بھارت 106 دے آن بدترین بیداد و لاک ڈاءون آن ہم کشمیری تا جوزہ ءِ کم کننگ کتو، مشال ملک

اسلام آباد ۔ 18 نومبر (اے پی پی) سینئر حریت راہشون یاسین ملک نا اُرائی مشال ملک پارینے کہ آر ایس ایس و ہندو توا انتہاپسندی سوچ بے نقاب مننگ ءِ، بھارتی فوجی آفیسر مودی نا گندہ انگا ذہنیت ءِ آشکار کرینے، بھارت 106دے آن بدترین بیداد و لاک ڈاءون آن ہم کشمیری تا جوزہ ءِ کم کننگ کتنے ۔ دوشنبے نادے آ کشمیری زالبول نا عصمت دری نا بابت بھارتی فوجی آفیسر نا بیان نا ردعمل اٹی اوپارے کہ آر ایس ایس و ہندوتوا انتہاپسندسوچ پاش مننگ ءِ ۔ بھارتی فوجی آفیسر مودی نا گندہ انگا ذہنیت ءِ آشکار کرے، مودی سرکار و حواری ساہدار پاننگ نا ہم حقدار اف ۔ اوپارے کہ کشمیر اٹی انٹرنیٹ ءِ نئے پین مواصلات نا ذریعہ اس، بھارت کشمیر نا چاگڑد اٹی آجوئی نا تالان مروک آ خوشبو آن حواس باختہ مسنے ۔ مودی پہہ مرے کشمیری لمہ ایڑھ و مسن تا آ برو نا رکھ آ کہینگ ءِ چارہ ۔ مشال ملک پارے کہ دنیا بھارت نا ذلیل و کمینگی نا انتہاو گندی سوچ انا نوٹس ہلے ۔ دُن انگا گندہ انگا حرکت بھارتی تابوت نا آخیریکومیخ ثابت مریک ۔