اسلام آباد ۔ 18 نومبر (اے پی پی) حکومت چندی آئل فیلڈز نا علاقہ غاتے ٹی راجی شونداری و ڈٹ آتیا عملدرآمد کن جوڑ کروک آ ضلعی کمیٹی تے فعال کننگ نا فیصلہ کرینے ۔ آئل اینڈ گیس ڈویلپمنٹ (او جی ڈی سی ایل ) نا ذراءع نا رداٹ ملک انا چندی ضلع غاتے ٹی تیل و گیس انا پٹنگ کن جوڑ فیلڈز انا خڑک انا علاقہ غاتے گیس انا …
حکومت نا چندی آئل فیلڈز نا علاقہ غاتے ٹی راجی و شونداری نا ڈٹ آتیا عملدرآمد کن جوڑ ضلعی کمیٹی تے فعال کننگ نا فیصلہ
گیشتریں ھال
اسلام آباد ۔ 18 نومبر (اے پی پی) حکومت چندی آئل فیلڈز نا علاقہ غاتے ٹی راجی شونداری و ڈٹ آتیا عملدرآمد کن جوڑ کروک آ ضلعی کمیٹی تے فعال کننگ نا فیصلہ کرینے ۔ آئل اینڈ گیس ڈویلپمنٹ (او جی ڈی سی ایل ) نا ذراءع نا رداٹ ملک انا چندی ضلع غاتے ٹی تیل و گیس انا پٹنگ کن جوڑ فیلڈز انا خڑک انا علاقہ غاتے گیس انا فراوانی ءِ گچین کننگ و شونداری ڈٹ آتیا خڑچ مروک آ پیسہ غاتا شفاف کاریم اٹ اتنگ کن کمیٹیک کاریم کننگ ءُ ودا کمیٹیک ہندی خلقت نا راجی آسراتی نا ڈٹ آتا پیدواری ، منظوری و اوفتیا گچین عملدرآمد کرفنگ نا زموار ءُ ۔ داسہ دا کمیٹی تے پین فعال کننگ انگ ءِ ۔ تیل و گیس ودی کروک آ ضلع غاتا تعلقدار باسک قومی اسمبلی کمیٹی نا چیئرمین مریک وخت اس کہ داٹی ڈپٹی کمشنر، تعلقدار ایم پی اے، ضلعی ناظم یا ڈسٹرکٹ کونسل نا چیئرمین، تحصیل ناظم یا تحصیل کونسل نا چیئرمین و یونین کونسل نا چیئرمین اوار مریرہ ۔
