بنجائی وزیرڈٹ بندی ، شونداری و اصلاحات مخدوم خسرو بختیار نا سی پیک کنسور شیم آف یونیورسٹیز نا بنائی سیشن آن تران

زرگزران نا گچینی کن ڈھانچہ جاتی اصلاحات کننگ انگ ءِ

اسلام آباد ۔ 18 نومبر (اے پی پی) بنجائی وزیر ڈٹ بندی، شونداری و اصلاحات مخدوم خسرو بختیار پارینے کہ تعلیم و خلقت نا اسہ ایلو تون بھلو تعلق اسے، زرگزران ناگچینی کن ڈھانچہ جاتی اصلاحات کننگ انگ ءِ، نیشنل ڈیٹا کولیکشن ڈیپازٹری آ فوکس کننگ ءِ، چین اتون اواری اٹ سینٹرز آف ایکسیلنس اس جوڑ کننگ اُن ۔ سائنس و ٹیکنالوجی پارکس آتا جوڑ کننگ المی ءِ ۔ داخیال آتا درشانی ءِ او دوشنبے نادے آ سالانہ مسٹ میکو سی پیک کنسورشیم آف یونیورسٹیز نا بنائی سیشن آن تران کرسا کرے ۔ اوپارے کہ سی پیک نا بروک آ مرحلہ بناکرینے ہراٹی راجی شونداری، انفراسٹرکچر ، صنعتی کمکاری و توانائی نا بشخ اتون اوار چندی بشخ آتے ٹی کاریم مننگ ءِ ۔ چین راجی بشخ اٹی اسہ ارب ڈالر نا گرانٹ تسنے ۔ اوپارے کہ نن ڈھانچہ جاتی اصلاحات کننگ اُن تانکہ زرگزران ءِ گچین کننگ مرے ۔ اوپارے کہ تعلیم و خلقت نا اسہ ایلو تون بھلو تعلق اسے، چین نا کنڈآن 20 ہزار اسکالر شپ فراوان کننگانے ہراڑانن چین نا منت وار اُن ۔ اوپارے کہ احساس پروگرام نا رداٹ 6 ارب روپئی نا گرج آ مبنی اسکالرشپ تخنگانے ۔ اوپارے کہ چین و پاکستان نا نیام اٹ سی پیک ءِ صنعتی کمکاری، کشت وکشارو راجی کمکاری اسکان ودفنگانے ۔ اینو چین نا واپار نا کچ چار ٹریلین ڈالر ءِ وخت اس کہ ننا بھلا کرنٹ اکاءونٹ نسخان ءِ ۔ اوپارے کہ درآمد آتیا مبنی زرگزران نزور مریک ، نن بروک آ دہ سال اکن سی پیک اٹی آئرن و اسٹیل ، مائنز و منرلز نا سیکٹرزءِ اوار کرینن ۔ اوپارے کہ سی پیک اٹی آئل اینڈ گیس ، ٹیکسٹائل و آٹو سیکٹرز آک ہم اوارءُ ۔ اوپارے کہ ہڑتوم آ ملک آتا نیام اٹ نجی بشخ اٹی صنعتی کمکاری ءِ ودفنہ ۔ مخدوم خسرو بختیارپارے کہ سمارٹ فونز زند انا المی بشخ جوڑ مسنے، چین نا سمارٹ فون کمپنی 18 ارب ڈالر آن زیات ریسرچ و ڈویلپمنٹ آ خڑچ کننگ ءِ ۔ اوپارے کہ چین نا 350 ارب ڈالر نا شونداری بجٹ ءِ ۔ آرٹیفیشل انٹیلی جنس بھاز اہم ءِ ، داہندن ءُ ڈیٹا سے دُن کہ اسہ کار اسے کن فیول ۔ اوپارے کہ نن نیشنل ڈیٹا کولیکشن ڈیپازٹری و سی پیک نا رداٹ سائنس و ٹیکنالوجی آ فوکس کننگ اُن ۔ اوپارے کہ نن چین اتون اواری اٹ منہ سینٹر آف ایکسیلنس جوڑ کننگ اُن ۔ اوپارے کہ سائنس و ٹیکنالوجی پارک آتا جوڑ کننگ المی ءِ، ننا معاشی شونداری ہنداخہ المی ءِ اخس کہ ننا قومی سلامتی ۔ اوپارے کہ تھاکوٹ ۔ حویلیاں سیکشن نا بناءِ کننگ اُن ۔ اوپارے کہ سی پیک نا بابت ہر کاریم کن کنا درگہ مدام ملوک ءِ ۔ مخدوم خسرو بختیار پارے کہ کرنٹ اکاءونٹ نسخان معاشی سوگوی ٹی بھلو اڑاند اسے، آئی ایم ایف نا کنڈآن زیات زور معاشی بحالی آٹے ۔ اوپارے کہ پاکستان سالانہ چار ارب ڈالر نا اسٹیل مصنوعات برآمد کیک ۔ پاکستان اٹی کاپر نا غٹ آن بھلا کوڑی ءِ ۔ اوپارے کہ افرادی قوت نا سہی کاریم اٹ اتپننگ آن حکومتی کارکڑد زہمی مریک ۔