مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءِ اٹارنی جنرل انور منصور خان ءِ ھمبراھی ءَ پریس کانفرنس

اسلام آباد ۔ 16 نومبر (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ حکومت ءَ نواز شریف ءِ جان سلامتی ءِ رد ءَ اولی بھر ءِ تہ ءَ آسراتی پجارینتگ، حکومت نوازشریف ءِ جان سلامتی ءِ جیڈھ ءَ را کابینہ ءَ زُرت ءُُ برت، اپسوزی اے گپ ءِ سر ءَ انت کہ شورٹی بانڈ ءِ سر ءَ واویلا کنگ بوت، مزن وزیر ءِ کوشت آں چہ ملک معاشی برجائی ءِ نیمگ ءَ جنزگ ءَ انت، معاشی ٹیمب ءِ ازمت آں چہ معیشت ءَ را و تی پاد آنی سر ءَ اوشتارینتگ نواز شریف ءِ ھوالگ ءَ ھرچی پیسلہ اتکگ ایشی ءِ تہ ءَ ھم آمید گس ءَ شور ٹی لوٹ اتگ ایش سک باز کانودی انت ءُُ کانودی انڈر ٹیکنگ انت، شریف ھاندار ءَ حکومت ءِ جوانیں گامگیج آنی توسیپ کنگ ءَ مٹ ءَ ایراد گرگ بنگیج کتگ، گوستگیں وھد ءَ ھم شریف ھاندان ءَ وتی کتگیں سوگند آناں دروگ گوندینتگ ۔ اے ھیالانی درشانی آئی ءَ شمبے ءِ روچ ءَ پریس انفارمیشن ڈیپارٹمنٹ (پی آئی ڈی ) ءَ اٹارنی جنرل انورمنصور خان ءِ ھمبراھی ءَ پریس کانفرنس ءَ گوں گشتانک دیان ءَ کت ۔ ھاسیں کمکار ءَ گوشت کہ محمد نواز شریف ءِ ھوالگ ءَ یک آمید گسی پیسلہ ءِ سر ءَ ھمیشی ءِ سر ءَ سرج میں راج ءُُ ملک ءِ لیکہ انت ، شرپ مندیں آمید گس ءَ نواز شریف ءِ دزبندی ءِ پیسلہ شمبے ءِ روچ ءَ گوشدارینتگ ۔ آئی ءَ گوشت کہ مزن وزیر عمران خان ءَ دل پچی ءِ درشان ءَ کنان ءَ ناں ایوک ءَ نواز شریف ءِ میڈیکل بورڈ ءِ آسراتی پجارینتگ بلکین ءَ حکومت ءَ اے ھوالگ ءَ سپارش ھم دات ۔ آئی ءَ گوشت کہ حکومت لوٹ ایت کہ محمد نواز شریف ءِ گہتریں جان سلامتی ءِ واستہ دوا ءُُ درمان پاکستان ءَ کنائینگ بہ بیت ءُُ اے ھوالگ ءَ توا میں آسراتی است انت ۔ بد بھتی ءَ حکومت ءِ نیت ءِ سر ءَ بے سر ءُُ پادیں شک کنگ بوتگ ءُُ کسد ءُُ کینگ ءِ آچ دمینگ بوتگ ۔