مشیر ءِ ھزانگ عبدالحفیظ شیخ ءِ مراگش ءَ گوں گشتانک

کراچی ۔ 16 نومبر (اے پی پی) مزن وزیر ءِ مشیر برائے ھزانگ ڈاکٹر عبدالحفیظ شیخ ءَ گوشت کہ معیشت ءِ برجائی ءِ واستہ حکومت ءِ کوشت آنی جوانیں رند پد گندگ بوھگ ءَ انت ءُُ ڈن ءَ سامان ءِ روان دیگ ءِ پڑ ءَ گیشی بوھگ ءَ انت، آئی ایم اف ءَ ھم معاشی برجائی ءِ واستہ چست کتگیں گامگیج آنی سر ءَ دل یکیمی ءِ درشان کتگ ۔ اے ھیالانی درشانی آئی ءَ شمبے ءِ روچ ءَ کراچی ءَ اوورسیز انویسٹرز چیمبر آف کامرس اینڈ انڈسٹری ءِ یک مراگشے ءِ تہ ءَ گشتانک ءِ ساھت ءَ کت ۔ مشیر برائے ھزانگ ڈاکٹر عبدالحفیظ شیخ ءَ گوشت کہ حکومت ءَ معاشی سست روگ ءَ را ھلاس کنگ ءِ واستہ کرنٹ اکاءونٹ تاوان ءَ را کم کنگ ءُُ ٹیکس ءِ در جنگ ءَ گہتر کنگ ءِ واستہ گامگیج ھوار انت ۔ مشیر ءِ ھزانگ ءَ گوشت کہ ڈن ءَ راوان دیگ ءِ سامان آنی سر ءَ زیرو ٹیکس انت پدا ھم ھندی بھا ءُُ سیم ءِ سر ءَ ٹیکس دیگ کپ ایت ۔ ڈنءَ سامان روان دیواک آنی واستہ حکومت ءَ زوتاں 200بلین کلدار ءِ پیکج ءِ جار جتگ ۔ آئی ءَ گوشت کہ حکومت ءَ تاجر آنی واستہ بازیں آسراتی ءِ پیشوکی گوشتگ بلے معیشت ءِ ڈکومینٹیشن ءِ ضلورت انت ۔ عبدالحفیظ شیخ ءَ گوشت کہ میاں اوستمانی فنڈ ءَ معاشی برجائی ءِ گامگیج ءَ ھم دل یکیمی ءِ درشان کتگ ۔