چیف آف نیول اسٹاف ایڈمرل ظفر محمود عباسی ءِ تر ءُُ تاب رومانیہ، چیف آف ڈیفنس سٹاف ءُُ کمانڈر رومانین نیوی ءَ گوں گند ءُُ نند

اسلام آباد ۔ 16 نومبر (اے پی پی) چیف آف دی نیول سٹاف ایڈمرل ظفر محمود عباسی ءَ رومانیہ ءِ سرکاری تر ءُُ تاب ءِ ساھت ءَ چیف آف ڈیفنس سٹاف ءُُ کمانڈر رومانین نیوی ءَ گوں جتا جتائیں گند ءُُ نند کت ۔ ترجمان پاک بحریہ ءِ نیمگ ءَ جاڑی بوتگیں یک شمبے ءِ روچے بیان ءِ رد ءَ رومانیہ ءِ نیول ہیڈ کوارٹرز ءَ پجگ ءِ پد ءَ کمانڈر رومانین نیوی ءِ سروک پاک بحریہ ءِ پُرمڈاھیں وش اتک کت، امیر البحر ءَ را ورنا آں دود ءُُ ربیدگی رنگ ءَ گارڈ آف آنر پیش کت ۔ ترجمان پاک بحریہ ءِ رد ءَ گند ءُُ نند ءِ ساھت ءَ وت مہ وتی واھگی کار آنی سر ءَ دو نیمگی کار آنی دیمروئی ءِ سر ءَ ھیالانی درشانی کت ۔ نیول چیف ءَ پڑ ءِ زرّئی رکھینگ ءُُ ایمنی ءَ را دل یکیمی کنگ ءِ واستہ پاک بحریہ ءِ جزم ءَ را سہرا کت ۔ ایشی ءَ چہ پد آئی ءَ ڈیمن شپ یارڈ ءِ ھم تر ءُُ تاب کت ءُُ آھودا مینیجنگ ڈائریکٹر ءَ گوں گند ءُُ نند کت ۔ امیر البحر ءَ ڈیمن شپ یارڈ ءَ پاک بحریہ ءِ واستی ھاڑیگیں منصوبگ آنی سر ءَ دیمروئی کار آں چہ سرپد کت ۔ ترجمان پاک بحریہ ءَ گوشت کہ نیول چیف ءِ اے تر ءُُ تاب دوئیں ملک آنی اُرد آنی نیام ءَ یکوئی آناں گیش ودینگ ءَ کمکار سہرا بیت ۔