مزن وزیر ءِ حاسیں کمک کار ذوالفقار بخاری ءِ ’’ اے پی پی‘‘ ءَ گوں گپء ُتران

اسلام آباد ۔ 15نومبر(اے پی پی) مزن وزیرءِ حاسیں کمک کار ذوالفقار بخاریءَ گشتگ کہ حکومت اوورسیز پاکستانی آنی ھاترءَ بنجاہی حکومت اسلام آبادءَ جتاہ رہائشی سیکٹر جوڑ کنگ ءِ منصوبہ بندی جوڑ کنگءَ اِنت ۔ نوکیں سیکٹر جوڑ کنگءِ مول ء ُ مراد اوورسیز پاکستانی آناں اسلام آباد ءَ گہتریں رہائشی آسراتی دیءگء ُ ملک ءَ زرکاری آرگ لوٹ ایت ۔ مزن وزیرءِ حاسیں کمک کارذوالفقار بخاری ءَ ’’اے پی پی‘‘ ءَ گوں گپء ُتران کتگء ُگشتگ کہ اسلام آباد ءَ اوورسیز پاکستانی آنی ھاترءَ نوکیں سیکٹر جوڑ کنگءِ ھاترءَ وزارت اوورسیز دیمروئی ادارگءَ گوں یکوئی گپء ُتران کنگءَ اِنت ء ُاے ہوالگءَ گڑی فیصلہ یک ماہ ءِ تہ کنگ بیت ۔