اسلام آباد ۔ 15نومبر(اے پی پی ) وانگء ُزانگءِ بنجاہی وزیر شفقت محمود تپاکی ءَ گوں اقوام متحدہ ءِ ادارگ تعلیم، سائنسء ُ دودء ُ ربیدگ (یونیسکو) ہیڈکوارٹر پیرس ءَ تنظیمءِ مستریں وانگ ء ُ زانگی کمیشن ءِ صدر گچین کنگ بوتگ ۔ بنجاہی وزیرءَ پہ پاکستانءِ ھاترءَ ایشیءَ را یک مزنیں شرپء ُ عزتے لیک اِتگ ء ُ گشتگ کہ اے شرپ وانگ ء ُ زانگءِ پڑءَ یونیسکو ءِ …
وانگء ُ زانگءِ بنجاہی وزیر شفقت محمود تپاکیءَ گوں اقوام متحدہءِ ادارگ یونیسکو ءِ مستریں وانگء ُ زانگی کمیشن ءِ صدر گچین
گیشتریں ھال
اسلام آباد ۔ 15نومبر(اے پی پی ) وانگء ُزانگءِ بنجاہی وزیر شفقت محمود تپاکی ءَ گوں اقوام متحدہ ءِ ادارگ تعلیم، سائنسء ُ دودء ُ ربیدگ (یونیسکو) ہیڈکوارٹر پیرس ءَ تنظیمءِ مستریں وانگ ء ُ زانگی کمیشن ءِ صدر گچین کنگ بوتگ ۔ بنجاہی وزیرءَ پہ پاکستانءِ ھاترءَ ایشیءَ را یک مزنیں شرپء ُ عزتے لیک اِتگ ء ُ گشتگ کہ اے شرپ وانگ ء ُ زانگءِ پڑءَ یونیسکو ءِ گوما ہوار کنگءِ پاکستان ءِ جزم ءِ درشانی اِنت ۔ وانگء ُ زانگءِ وزیر ءَ گشتگ کہ یونیسکو ءِ وانگء ُ زانگی کمیشن ءِ صدرءِ ارزشتءَ آ وتی درائیں ڈیلی گیٹس ءِ ہمرائیءَ وانگء ُ زانگ، سائنسء ُ دودء ُ ربیدگ ءِ وسیلگءَ یونیسکو ءِ مولء ُ مراد ءَ را جوانیءَ پیلو کنگء ُ اقوام متحدہ ءِ 2030ءِ ایجنڈا ءَ ہوار مھک میں دیمروئی ءِ ھاترءَ محنت کنت ۔ وانگء ُ زانگءِ بنجاہی وزیر شفقت محمود ءَ بنگلہ دیش ، ناروے ء ُتیونس ءِ وانگء ُزانگی وزیر آں گوں جتاہ جتاہ گندء ُنندآں ابید تعلیم ء ُ دودء ُربیدگ ءِ ہوالگءَ یونیسکو ءِ اسسٹنٹ ڈائریکٹر جنرل ءَ گوں ہم گندء ُنندکتگ ۔
