مزن وزیر عمران خان ءِ پرائیویٹایزیشن ءِ کار آنی سر ءَ چار ءُُ تپاسی دیوان ءَ گشتانک

اسلام آباد ۔ 15 نومبر (اے پی پی) مزن وزیر عمرنا خان ءَ گوشت کہ پرائیویٹائیزیشن ءِ کار زوتاں زوت سرجمی ءَ چہ حکومت مالی آسراتی ھاسیں رنگ ءَ نان ٹیکس ریونیو ءَ گیشی بیت، راجی ھزانگ ءَ را تاوان ءَ چہ بچارینگ ءِ گوما ادارگ آنی کار کرد ءَ را گیش ودینگ ، ادارگ آناں گہتر آسراتی پجارینگ ءُُ ھواریں رنگ ءَ معیشت ءِ گہتری پرائیویٹائیزیشن ءِ المی انت ۔ اے ھیالانی درشقانی آئی ءَ پرائیویٹائیزیشن ءِ کار ءِ تہ ءَ دیمروئی چار ءُُ تپاسی دیوان ءِ سروکی ءَ کنان ءَ کت ۔ دیوان ءَ وزیر ءِ پرائیویٹائیزیشن میاں محمد سومرو، مشیر ھزانگ عبدالحفیظ شیخ، ھاسیں کمکار برائے پٹرولیم ندیم بابر، ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان، ھاسیں کمکار سید ذوالفقار عباس بخاری، سیکرٹری پرائیویٹائیزیشن رضوان ملک ءُُ ایندگر کلانہ ایں اپسرگ آں بھر زوری کت ۔ مزن وزیر ءَ دیون ءَ گوں گشتانک دیان ءَ گوشت کہ حکومتی آسراتی ءَ نان ٹیکس ریونیو ءَ گیشی کنگ حکومت ءِ اولی دیمروئی کار آنی تہ ءَ ھوار انت ۔ آئی ءَ گوشت کہ پرائیویٹائیزیشن ءِ مول ءُُ مراد سرکاری ھزانگ ءَ را ھمک روچ ءِ درگت ءَ کروڑانی ءُُ اربانی کلدار ءِ تاوان ءِ بچارینگ انت ۔ مزن وزیر ءَ گوشت کہ پرائیویٹائیزیشن ءِ کار ءَ اے ادارگ آنی کار کرد ءَ را گہتر کنگ ءَ کمک رسیت ھما وانی کار کرد جوانیں دلگوشی نہ بوھگ ءِ سبب ءَ سرج میں سال ءَ ھراب تر بوھگ ءَ انت ۔ مزن وزیر ءَ گوشت کہ پرائیویٹائیزیشن ءِ کار زوتاں زوت سرجمی ءَ چہ حکومتی مالی آسراتی ھاسیں رنگ ءَ نان ٹیکس ریونیو ءِ تہ ءَ گیشی بیت ایشی ءَ چہ حکومت ءِ نیمگ ءَ چہ السی گہبود ءِ گیش منصوبگ بنگیج کنگ ءُُ جان سلامتی، وانگ ءُُ زانگ ءُُ ایندگر آسراتی آناں الس ءَ تاں پجارینگ ءَ آسانی پیداک بنت انت ۔ سیکرٹری نجکاری رضوان ملک ءَ پرائیویٹائیزشن ءِ کار ءَ بریفنگ دیان ءَ گوشت کہ اے کار ءَ اے ادارگ ءُُ ماڑی آنی ھوار کنگ بوتگ ھما کہ سرکاری ھزانگ ءِ سر ءَ یک شل ءَ بار انت یا ھمزوریں کار کرد ءِ درشان ءَ کنگ ءَ انت ۔ ایشی ءِ گوما اے رنگیں سرکاری ماڑی آناں ھم پرائیویٹائیزیشن ءِ کار ءَ ھوار کنگ بوتگ ایش سرج میں سال ءَ کارمرد نہ کتگ یا سیتئی نہ انت ۔ مزن وزیر ءَ را گوشگ بوت کہ اربانی کلدار ءِ مالیت ءِ جتا جتائیں سرکاری ادار گ ایشانی تہ ءَ حویلی بہادر شاہ پاور پلانٹ ، بلوکی پاور پلانٹ، ایس ایم ای بنک، سروسز انٹرنیشنل ہوٹل لاہور، جناح کنونشن سنٹر ایندگر ھوار اَنت ایشانی پرائیویٹائیزیشن ءِ کار گڈی بھر ءِ تہ ءَ انت ۔ مزن وزیر ءَ گوشت کہ اے ادارگ آنی پرائیویٹائیزیشن ءِ کار ءَ میاں اوستمانی رد ءَ جھلانکیں واھگ ءُُ واھشت ءِ درشان کنگ بوھگ ءَ انت ۔ مزن وزیر ءَ گوشت کہ اے ادارگ آں ابید گدو پاور پلانٹ، نندی پور پاور پلانٹ، فرسٹ وویمن بنک، پاک پٹرولیم لمیٹڈ، اسٹیٹ لاءف ءَ گوں ھوار ایندگر جتا جتائیں ادارگ آنی پرائیویٹائیزیشن ءِ کار ءَ ھم بنگیج کنگ بوتگ ءُُ ایشی ءِ تہ ءَ جوانیں دیمروئی کار در جنگ بوتگ اَنت ۔ دیوان ءَ جتا جتائیں وزارت ءُُ سرکاری ادارگ آنی ملکیت ، زیات نیاد ءِ زمین آنی بھا ءُُ سیم ءِ ھوالگ ءَ دیمروئی کار آنی سر ءَ بریفنگ دیگ بوت ۔