اسلام آباد ۔ 15نومبر (اے پی پی) قومی اسمبلی ءِ پاننگانے کہ 2018-19 ء ٹی بے نظیر انکم سپورٹ پروگرام نا رداٹ حقدار آتے ٹی 104ارب روپئی نا زر اداکننگا، بی آئی ایس پی نا پوسکن سروے ءِ کننگ انگ ءِ، دا سروے 2020ء ٹی پورو مریک ۔ جمعہ نادے آ قومی اسمبلی ٹی وقفہ سوج آتے ٹی شمیم آراء نا سوج انا ورندی ٹی علی محمد خان پارے کہ 2018-19 ء ٹی بے نظیر انکم سپورٹ پروگرام نا رداٹ حقدار آتے ٹی 104ارب روپئی نا زر ادا کننگا ۔ وسیلہ تعلیم پروگرام 50 ضلع غاتے ٹی آپریشنل ءِ ۔ بی آئی ایس پی نا پوسکن سروے ءِ کننگ انگ ءِ ہراٹی کوشست کننگ انگ ءِ کہ سیاسی بنداو تیا پن اوار مف و حقدار بندغ آک اوار مریر ۔ داسروے کن ملک ءِ ہشت پڑک آتے ٹی بشخنگانے ۔ دا سروے 2020ء ٹی پورو مریک ۔
