اسلام آباد ۔ 15نومبر (اے پی پی) قومی اسمبلی ءِ پاننگانے کہ بنجائی دارالحکومت اٹی اقلیت آتا برام نا رجسٹریشن سرٹیفکیٹ جاری مفک ، دا بابت کانود سازی نا گرج ءِ وخت اس کہ اسپیکر قومی اسمبلی اسد قیصر پارت کرے کہ بنجائی دارالحکومت نا غٹ باسک آک و اقلیتی باسک آتا سلابت اٹ سپریم کورٹ نا فیصلہ ءِ مون آ تخسا قانود سازی نا سلاہ تننگے ۔ جمعہ نادے آ قومی اسمبلی ٹی علی نواز اعوان نا چکاری نوٹس نا ورندی ٹی پارلیمانی سیکرٹری داخلہ شوکت علی پارے کہ پاکستان اٹی اقلیت آک ہم رہینگرہ ، صوبہ غاتے ٹی رجسٹریشن آ اوفتے میرج رجسٹریشن سرٹیفکیٹ جاری کننگک ۔ اسلام آباد اٹی اقلیت آتون اوفتا برخلاف مننگ ءِ ۔ کرسچن ءِ برام آ بشپ تینا وڑاٹ سرٹیفکیٹ جاری کیک ۔ ایچ آرسی ایلو صوبہ غاتے ٹی ارے، 33ہزار میرج سرٹیفکیٹ جاری کننگانے ۔ دا بابت کانود سازی اس کننگے و اسہ خصوصی کمیٹی اس جوڑ کننگے ۔ اسپیکر اسد قیصر پارے کہ کمیٹی نا جاگہ غا اسلام آباد نا غٹ ایم این ایز و اقلیتی باسک آتا سلابت اٹ سپریم کورٹ نا فیصلہ ءِ مون آ تخسا وزارت کانود نا سلابت اٹ کانودسازی کے ۔ شنیلہ رتھ پارے کہ نکاح رجسٹریشن اقلیت آتا حق ءِ ۔ ننا زند و مرک ہنداڑے کن ءِ ۔ ہنداخاطران بایدے نکاح رجسٹریشن مرے ۔ داڑان جبری برام و نکاح نا سدباب مریک ۔ دابارواٹی کانود سازی اس کننگے ۔
