اسلام آباد ۔ 15نومبر (اے پی پی) وزیر خارجہ مخدوم شاہ محمود قریشی تھرپار کر تون اوار سندھ انا ایلو علاقہ غاتے ٹی طوفانی پِر و گروک انا تمنگ آن مروک آ جانی و مالی نسخان تیا ڈکھ و است ہسونی نا درشانی ءِ کرینے و پارینے کہ ڈکھ وآزمائش نا دا ساہت اٹی اہلیان تھر وایلو زہمی تا غم اٹی بریبر نا شریک اُن ۔ شاہ محمود قریشی جمعہ نادے آ پی ٹی آئی نا صوبائی و ہندی سرکڑدہ غاتون رابطہ کرے و زہمی علاقہ غاتے ٹی دمدستی سرجزآتا بناکننگ و زہمی تے ہروڑنا کمک فراوان کننگ نا پارت کرے ۔ وزیر خارجہ تھر اٹی طوفانی پِر و گروک آن زوال کروک آ تے کن بخشش نا دعا و خاہوت آتون ہڑزخواہی کرسا دعا کرے کہ اللہ تعالیٰ سندھ اتون اوار وطن عزیز پاکستان نا غٹ علاقہ غاتے آفت و بلا تیان رکھے ۔
