اسلام آباد ۔ 15نومبر(اے پی پی) پیسرگیں اسپیکر سردار ایاز صادق ءَ گشتگ کہ اپوزیشن ایوانءَ کانودسازیء ُ جستء ُ پُرسءِ وہدءَ را معنی دار کنگءِ وائشت مند اِنت، حکومتءَ را لوٹ ایت کہ اپوزیشن ءِ سینئر باسکانی تجروبتاں چہ پائدگ چست بہ کنت ۔ جمعہ ءِ روچءَ راجی اسمبلی ءَ نکتہ اعتراض ءِ سرءَ سردار ایاز صادق ءَ گشتگ کہ ما لوٹاں کہ حکومت پہ وشی دیما بہ رءوت ء ُ اے گپءِ وائشت مند اَنت کہ دیوانءَ قانود سازی بہ بیت ۔ جستء ُ پُرسءِ وہد معنی دار بہ بنت ۔ ایشی ءَ چہ مزن گس ءِ شرپء ُ ارزشت گیش بیت ۔ کمیٹی ایوان آنی دل اَنت ۔ آیاں مھکم بوہگءِ ضلورت اِنت ۔ اے ہوالگءَ حکومت خواجہ محمد آصف ء ُ راجہ پرویز اشرف ءِ تجروبتاں چہ پائدگ چست کُت کنت ۔
