چیف آف آرمی اسٹاف جنرل قمر جاوید باجوہ ءِ ھیڈ کوار ٹر فرنٹیئر کور خیبر پختونخوا (نارتھ) ءِ تر ءُُ تاب

اسلام آباد ۔ 15 نومبر (اے پی پی) چیف آف آرمی سٹاف جنرل قمر جاوید باجوہ ءَ ہیڈکوارٹر فرنٹیئر کور خیبر پختونخوا (نارتھ) ءِ تر ءُُ تاب کت ءُُ نمیرانیں شہید آنی سر ءَ پُل آنی چادر پر دات ۔ آئی ایس بی آر ءِ رد ءَ آرمی چیف ءَ فرنٹیئر کور میوزیم ءُُ فورٹ گیلری ءِ ھم تر ءُُ تاب کت ایشرا الس ءِ واستہ پچ کنگ بوتگ ۔ فرنٹیئر کور ءِ اپسرگ ءُُ ورنا آں گوں تران کنان ءَ آرمی چیف ءَ پیسریگیں فاٹا ءَ برجائی آرگ ءِ واستہ آوانی جھد ءُُ کوشست آناں ساڑات ۔ چیف آف آرمی سٹاف ءَ شہید آناں توسیپ ءُُ ستا ءُُ آوانی گس ءِ مردم آناں لاءک ءِ سلام پیش کت، ایشاں ماتیں وطن ءِ پھریزگ ءِ واستہ بے دروریں قربانی داتگ ۔ چیف آف آرمی سٹاف ءَ گوشت کہ سیکورٹی فورسز آنی کوشست آنی سبب ءَ ملک ءَ انوگ ءَ تاں برجائی ءُُ دیمروئی ءِ نیمگ ءَ جنزگ ءَ انت ۔ تر ءُُ تاب ءِ ساھت ءَ کمانڈر پشاور ءَ را ھم آرمی چیف ءِ ھمبراھ ات ۔