بیجنگ ۔ 15 نومبر (اے پی پی) یونیائیٹڈ نیشن ءِ جینیوا ءَ استیں کارگس ءَ چین ءِ گشتانکار چن سو ءَ پاکستان ءِ جنیوا ءَ استیں گشتانکار خلیل احمد ہاشمی ءَ گوں گند ءُُ نند کت ۔ السی جمہوریہ چین ءِ وزارت ءِ درئی کار ءِ ھال در آنی رد ءَ چینی سفیر ءَ پاکستانی ھمکار ءَ را اے سیٹ ءِ گرگ ءِ پد ءَ مبارکی دات ءُُ اے امیت آنی درشان کت کہ پاک چین دوستی ءَ میاں اوستمانی ءُُ دمگی مٹ ءُُ بدلی آں ابید اچ پرک نئیت ۔ آئی ءَ گوشت کہ جنیوا ءَ دوئیں ملک آنی سروک ھما رنگیں گیشیں کمک آنی سر ءَ تپاک کناں گڈا چین ایشرا پکوئیں رنگ دیگ ءِ واستہ ھمک ساھت ءُُ کترہ تیار انت ۔ پاکستانی سفیر خلیل ہاشمی ءِ اے موہ ءِ سر ءَ گوشت کہ پاکستان ءُپ چین کوھنیں دوست انت ایش مُدام دو نیمگی واھگی کار آں ھوار ارزشتی ایں جیڈھ آنی سر ءَ یک ءِ دومیگ ءِ گوما کمک کنان ءَ دیم ءَ جنزگ ءَ انت ۔ آئی ءَ گوشت کہ پاک چین یکوئی ءَ را مھکم کنگ ءُُ دو نیمگی یکوئی آناں گیش برجم کنگ ءِ واستہ پاکستان وتی کمک ءَ جاڑی دار ایت ۔
