صحافی تتون اوفتا ویل آتا بارواٹ گپ و تران کریر
اسلام آباد ۔ 14نومبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان و بنجائی وزیر ہوا بازی غلام سرور خان اسلام آباد ہائی کورٹ پریس روم نا دورہ ءِ کرے و صحافی تتون اوفتا ویل آتا بارواٹ گپ و تران کریر ۔ ڈاکٹر فردوس عاشق اعوان پارے کہ عدلیہ نا ویل آتا ایسری کن ٹہیفوک آ کمیٹی ٹی وکیل آتا نمائندہ غاتون ہائی کورٹ جرنلسٹ ایسوسی ایشن نا صدر ہم مریک ۔ داوخت آ ڈاکٹر فردوس عاشق اعوان ویل آتا ایسری کن تینا پبی کمکاری نا باوری کرفے ۔ خصوصی کمکار حوالکاری و شین کاری پارے کہ ریاست نا چارمیکو تمبہ میڈیا نا گچین و فعال کڑد آن نمن مننگ مفک ۔ پنچ شنبے نادے آ عدالت پیشی آن پد ڈاکٹر فردوس عاشق اعوان و بنجائی وزیر غلام سرور خان پریس ایسوسی ایشن نا دورہ ءِ کریر و اسلام آباد ہائی کورٹ نا بیٹ رپورٹر آتون اوڑدہی کریر ۔ داوخت آ اسلام آباد ہائی کورٹ جرنلسٹ ایسوسی ایشن نا صدر اسد ملک و جنرل سیکرٹری فیاض محمود صحافی تے مون تروک ویل آتیان اوفتے آگاہی تسر ۔
