اسلام آباد ۔ 14 نومبر (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوں ایران ءِ استیں سفیر مہدی ہنر دوست ءَ گڈی گند ءُُ نند کت ایشی ءِ تہ ءَ میڈیا، تامُر ءُُ دود ءُُ ربیدگ ءِ شوبگ آنی تہ ءَ کمک آناں گیش مھکم کنگ ءِ ھوالگ ءَ ھیال ریچی کنگ بوت ۔ دوئیں شرپ مندیں رھشون آں دود ءُُ ربیدگی کمک آناں گیش ودینگ ءِ سر ءَ ھم تپاک کت چیا کہ دوئیں ملک آنی کرا میاں استمانی تک ءَ پیش کنگ ءِ واستہ بے دوریں راجی مڈ ی است انت ۔ مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ پاکستان ءُُ براتیں اسلامی ملک ایران ءِ نیک راھ ءُُ دود ءُُ ربیدگ یکجاھ انت ۔ آئی ءَ دو نیمگی کمک آناں گیش ودینگ ءِ سر ءَ زور پر دات ءُُ گوشت کہ میڈیا دوئیں ملک آنی الس ءَ را گیش نزیک آرگ ءَ ارزشتی ایں کرد ءِ پیلو کت کنت ۔
