اسلام آباد ۔ 14 نومبر (اے پی پی) مزن وزیر عمران کان ءَ گوشت کہ کرتار پور راہداری ءِ پچ کنگ ءِ گامگیج اسلامی رھبند، قائداعظم ءِ جوانیں ھمساھگی ءِ سسا ءُُ پاکستان ءِ نیام ءَ نیک راھ آنی وت مہ وتی ءِ ودینگ ءِ پالیشی ءِ رد ءَ انت ۔ پنچ شمبے ءِ روچ ءَ مزن وزیر ءِ میڈیا گس ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءَ کوھنیں گوردواروا آنی راجدپتریں کتاب ’’ ’’ٹرائسٹ ود ٹریز’’ ءِ ندکار ءُُ پیسریگیں سرونٹ ڈی ایس جسپال ءَ گوں گند ءُُ نند ءِ ساھت ءَ ھیالانی درشانی ءَ کنان ءَ کت بابا گرونانک ءِ 550ودی بوھگ ءِ سالروچ ءِ موہ ءَ کرتار پور صاحب راہداری ءَ را پچ کنگ ءِ جوانیں ءُُ نمیرانیں گامگیج بابا گرونانک ءِ نام ءَ گروک ءُُ دگنیا ءِ تہ ءَ ھاسیں رنگ ءَ بھارت ءَ آباتیں سکھ برات آنی کوھنیں دزبندی ءِ رد ءَ گام چست کنگ بوت ۔ ڈی ایس جسپال بابا گرونانک ءِ 550ودی بوھگ ءِ سالروچ ءِ موہ ءَ پاکستان ءِ تر ءُُ تاب ءَ اتکگ انت ۔ ڈی ایس جسپال ءَ مزن وزیر ءِ کوھنیں کرتار پور راہداری ءَ را پچ کنگ ءِ گامگیج ءُُ پاکستان ءَ توا میں سکھ زیارتی آنی واستہ جوانیں مہمان جھلی ءِ رد ءَ آئی ءِ شگر ءُُ منت گپت ۔
