اسلام آباد ۔ 14 نومبر (اے پی پی) چیئر مین جوائنٹ چیفس آف سٹاف کمیٹی جنرل زبیر محمود حیات ءَ پنچ شمبے ءِ روچ ءَ ائیر ھیڈ کوارٹر اسلام آباد ءَ برو پہ ھیری تر ءُُ تاب کت ۔ چیئرمین جوائنٹ چیفس آف کمیٹی ءَ پاک فضائیہ ءِ سروک ائیر چیف مارشل مجاہد انور خان ءَ گوں آئی ءِ کارگس ءَ برو پہ ھیری گند ءُُ نندکت ۔ چیئرمین جوائنٹ چیف آف کمیٹی ءِ سئیں اُرد آنی نیام ءَ یکجائی کوشست آناں سہرا کنگ ءِ پد ءَ پاک فضائیہ ءِ سروک ءَ آئی ءِ شگر ءُُ منت گپت ۔ چیئرمین جوائنٹ چیفس آف سٹاف کمیٹی ءَ پاک فضائیہ ءِ جنگی تیاری ءُُ نوکیں ٹیکنالوجی ءِ در جنگ ءِ واستہ جاڑیگیں پروگرام آنی سر ءَ دل یکیمی ءِ درشان کت ۔ ایشی ءَ چہ پیسر ائیر ھیڈ کوارٹرز ءَ آیگ ءِ پد ءَ ائیر چیفس آں شرپ مندیں مہمان آناں وش اتک کت ۔ پاک فضائیہ ءِ ورنا آں آئی ءَ را سلامتی دات ۔ شرپ مندیں مہمان آں پاک فضائیہ ءِ شہید آناں توسیپ ءُُ ستا پیش کنگ ءِ واستہ نمیرانیں شہید آنی سر ءَ پُل آنی چادر چیر گیتک ۔
