اسلام آباد ۔ 14 نومبر (اے پی پی) مزن وزیر عمران خان ءَ گوشت کہ ناشرکاری ءِ ھلاپ ءَ جنگ پاکستان ءِ واستہ تاوانی سہرا بوت، دگہ بر ءِ ما دگہ اِچ جنگ ءِ بھر جوڑ نہ باں ، پاکستان اوگانستان ءِ سیاسی گیواری ءِ واستہ کوشست کنگ ءَ انت، پاکستان سعودی عرب ءُُ ایران ءِ دلگرانی آنی دور کنگ ءِ واستہ ھم کوشت کنگ ءَ انت، ما پاکستان ءَ کاروبا ار ءَ را آسان جوڑ کنگ ءَ آں ، در ملکی سرمایہ کاری ءِ واستہ ویزہ گرگ ءِ ھاترا نرمی ءَ ھوار ایندگر بازیں دیمروئی کار بوھگ ءَ انت ۔ اے ھیالانی درشانی آئی ءَ پنچ شمبے ءِ روچ ءَ ادا میاں اوستمانی کانفرنس ءَ گوں گشتانک ءِ ساھت ءَ کت ۔ مزن وزیر ءَ گوشت کہ ناشرکاری ءِ ھلاپ ءَ جنگ پاکستان ءِ واستہ تاوانی سہرا بوتگ، پاکستان ناشرکاری ءِ ھلاپ ءَ جنگ ءَ اولی لین ءِ تہے کرد ءَ پیلو کنگ ءَ انت، پاکستان ناشرکاری ءِ ھلاپ ءَ جنگ ءَ بے دروریں قربانی داتگ، ناشرکاری ءِ ھلاپ ءَ جنگ ءَ پاکستان ءَ را کمو کمک ھم رس ات بلے ناشرکاری ءِ ھلاپ ءَ جنگ ءَ پاکستان ءَ را سک باز تاوان رستگ ۔ اوگانستان ءِ ھوالگ ءَ مزن وزیر عمران خان ءَ گوشت کہ اوگان جیڈھ ءِ گیواری اُردی رنگ ءَ بوت ءُُ اے جیڈھ وت مہ وتی گپ ءُُ تران ءِ وسیلگ ءَ بوت کنت ۔ آئی ءَ گوشت کہ پاکستان اوگان ایمنی ءِ واستہ ارزشتی ایں کارست ات ءُُ اوگانستان جیڈھ ءِ سیاسی گیواری ءِ واستہ کوشست کنگ ءَ انت ۔ آئی ءَ گوشت کہ بھارت ءَ جرمن نازی ءِ وڑ ءَ ہندو گنوک بوھگ ءَ انت، بھارتی نوبل داد کٹوک امریتاسین ءِ گوشگ انت کہ بھارت ءَ مردم سما کنگ ءَ انت ۔ کشمیر ءِ ھوالگ ءَ مزن وزیر ءَ گوشت کہ مقبوضہ کشمیر ءَ لگت مال کنگ ءَ انت، مودی بندیں دمک ءَ پج اتگ، مقبوضہ کشمیر ءَ 9لکھ بھارتی سیکورٹی فورس 80لکھ ءَ چہ گیش سد روچاں چہ گیش گس آنی توک ءَ بندی کتگ ۔ آئی ءَ گوشت کہ مودی حکومت کشمیر ی آناں ھاٹیگ ءِ زور ءَ ڈگار ءَ جنگ بیت نہ کنت، کشمیر ءِ جیڈھ ءِ گیواری ءَ ابید زرّ باری ایشیا ءَ ھک میں ایمنی بوت نہ کنت ۔ آئی ءَ گوشت کہ نازی لیکہ ءِ بنگیج دگنیا ءَ را ھرابیں آسر آنی ھوالگ ءَ زانت نہ بوتگ ۔ پاکستان ءُُ بھارت دو ایٹمی ھاٹیگ انت، ایشانی نیام ءَ جیڈھ ءِ ھرابیں آسر در اتک کناں ۔ آئی ءَ گوشت کہ چین پاکستان ءَ وت جوڑیشتی ھیل کاری ءِ یونیورسٹی ءِ جوڑیشت ءَ کمک کنگ ءَ انت، کشت ءُُ کشاری شوبگ ءِ دیمروئی ءِ واستہ چین ءَ نوکیں ٹیکنالوجی ءِ پیشوکی گوشتگ ایشی ءَ چہ پاکستان ءِ کشت ءُُ کشاری سامان آنی ڈن ءَ روان دیگ ءِ تہ ءَ گیشی بیت ۔
