اسلام آباد ۔ 14نومبر (اے پی پی) بنجائی وزیر مکانات و تعمیرات چوہدری طارق بشیر چیمہ پارینے کہ پوسکن آ پاکستان ہاءوسنگ پروجیکٹ نا رداٹ رکنیت نا مہم نا مرحلہ ٹی ہرا باسک آک پیسہ جمع کرفیر و پدی التوس اپارٹمنٹس نا ڈٹ آتیان فائدہ ہرفنگ نا حقدار مریرہ، پہلے آئیے پہلے پائیے نا بنداو آ 50 درسد و عمر وار اولیتی بنداو تیا 50 درسد مساویانہ وڑاٹ اپارٹمنٹس نا پیشکش کننگک ۔ پنچ شنبے نادے آ قومی اسمبلی ٹی وقفہ سوج آتے ٹی شیر اکبر خان نا سوج انا ورندی ٹی وزیر مکانات و تعمیرات چوہدری طارق بشیر چیمہ پارے کہ سرکاری ہنکین نا الاٹمنٹ ہارڈ شپ بنداو آ کننگک ولے ہنکین نا بدلی نا الاٹمنٹ کننگک ۔ تدوک آ پنچ سال اٹی 1157 الاٹمنٹس کننگانے ۔ منورہ بی بی بلوچ نا سوج انا ورندی ٹی اوپارے کہ پوسکن آ پاکستان ہاءوسنگ پروجیکٹ نا رداٹ رکنیت نا مہم نا مرحلہ ٹی ہرا باسک آک پیسہ جمع کرفیر و پدی التوس ، او اپارٹمنٹس نا ڈٹ آتیان فائدہ ہرفنگ نا حقدار مریرہ ۔ شیر اکبر خان نا سوج انا ورندی ٹی طارق بشیر چیمہ پارے کہ گرین ٹری پرائیویٹ لمیٹڈ نا پی ای سی سرٹیفکیٹ 30 جون 2020 ء اسکان ءِ ۔ شیر اکبر خان نا سوج انا ورندی ٹی اوپارے کہ بہارہ کہو ہاءوسنگ اسکیم وپارک روڈ ہاءوسنگ اسکیم اوار بناکننگتنو ۔ بہارہ کہو ہاءوسنگ اسکیم 2009ء ٹی بناکروک آ رکنیت سازی مہم پہلے آئیے و پہلے پائیے نا بنداوآ رجسٹرڈ باسک آتے کن ءِ وخت اس کہ پارک روڈ ہاءوسنگ اسکیم 2005ء ٹی بناکروک آ رکنیت سازی مہم ۔ ;7373; عمر نا لحاظ اٹ ءِ ۔ پارک روڈ اسکیم اٹی ڈغار تا دوئی کننگ نا بابت سپریم کورٹ آف پاکستان اٹی جاری مقدمہ غاتا سوب الاٹمنٹ نا عمل سلوک ءِ ۔ رکنیت سازی نا فیس پلاٹ نا نہاد نا آخیریکو قسط اتون ایڈجسٹ کننگک ۔
