اسلام آباد ۔ 14نومبر (اے پی پی) وزارت ریلوے نا کنڈآن قومی اسمبلی ءِ پاننگانے کہ سی پیک نا رداٹ ایم ایل ون ءِ اپ گریڈ کننگ آن ریل آتا رفتار 160 کلومیٹر فی گھنٹہ اسکان مریک، پاکستان اسٹ انگاملک ءِ ہراڑے مسافر بردار ریل تیان 4 ارب روپئی منافع کٹیا کننگانے، دنیا ٹی مال برداری آن منافع کننگک ۔ پنچ شنبے نادے آ قومی اسمبلی ٹی وقفہ سوج آتے ٹی سید آغا رفیق اللہ نا سوج انا ورندی ٹی وزیر ریلوے شیخ رشید احمد پارے کہ فی الحال مین لائن ون آ ریل تا زیات آن زیات رفتار سد کلومیٹر فی گھنٹہ ءِ ۔ ایم ایل ٹو و ایم ایل تھری آ ریل 80 کلومیٹر فی گھنٹہ نا رفتار اٹ چلینگک ۔ سی پیک نا رداٹ ایم ایل ون ءِ اپ گریڈ کننگک ہراڑان رفتار 160 کلومیٹر اسکان مریک ۔ فرخ حبیب پارے کہ 15لاش تا ڈی این اے زوت مریک ۔ ٹھپی تے طبی امداد تننگ انگ ءِ ۔ ریلوے رحیم یار خان شکست اٹی شہید مروک آتا وارث آتے 15لکھ روپئی فی کس و ٹھپی تے اسٹ آن یک و نیم لکھ روپئی تننگ انگ ءِ ۔ وزیراعظم عمران خان آن ہم جتا امداد نا خواست کننگ اُن ۔ جام عبدالکریم بجار نا سوج انا ورندی ٹی اوپارے کہ 2018-19ء ٹی پاکستان ریلوے نا اوسطاََ کٹیا و خڑچ 4 ارب 54کروڑ روپئی و خڑچہ 7 ارب 27 کروڑ روپئی ئس ۔ 2017-18 ء نا مقابلہ ٹی 2018-19 ء ٹی 4 ارب روپئی نا کمتی واقع مسنے ۔ یوسف تالپور نا سوج انا ورندی ٹی شیخ رشید پارے کہ پاکستان نا تاریخ اٹی ہر اسٹیشن آ ہنسا سروے ءِ پورو کرینن ۔ 4لاش ءِ ڈی این اے آن پد سرکننگک ۔ شیخ رشید احمد پارے کہ شاہ لطیف ایکسپریس اٹی نشست آتا بکنگ نا کچ 130 درسد ءِ ۔ دانا کرایہ ءِ 25روپئی ودفسا اودے نسخان آن کشنگ مریک ۔ موہنجو داڑو تون اوار ایلو ریل تا حالیت خراب ءِ، نن داڑے کوچ جوڑ کننگ کن جوائنٹ وینچر نا کنڈا ہِننگ اُن ۔
