اسلام آباد ۔ 14نومبر (اے پی پی) سرسہب ورنا پروگرام نا رداٹ آسان شڑت آتیا وام ہلنگ کن جمع کرفوک آ درخواست آتا جانچ پڑتال نا عمل نا بناءِ کننگانے ۔ وزیراعظم سرسہب ورناپروگرام نا ذراءع نا رداٹ آسان شڑت آتیا وام ہلنگ کن ورناک آن لائن وڑوڈول انا رداٹ تینا درخواست آتے جمع کرفیسر، دا پروگرام نا رداٹ نیشنل بینک آف پاکستان ، بینک آف خیبر و بینک آف پنجاب درخواست تروک آتے آسان شڑت آتیا وام فراوان کیرہ ۔ ذراءع نا رداٹ 10 ہزار آن اسہ لکھ اسکان وام بے سود مریک وخت اس کہ اسہ لکھ آن 5لکھ نا وام تیا 6درسد شرح سود و 6لکھ آن 50 لکھ اسکان نا وام تیا 8 درسد شرح سود مریک و دا وام تے 8 سال انا مد اکن تننگ انگ ءِ ، اولیکو سال آ ہچ ءُ قسط اس ہلنگپک ۔ ذراءع نار داٹ تعلقدار بینک آک درخواست تروک آتا کواءف نا جانچ پڑتال نا عمل ءِ ٹیل فون نا کمک اٹ بناکرینو وخت اس کہ بروک آ مرحلہ ٹی ہندا بینک آتا نمائندہ غاک درخواست تروک آتا اُراغا ہنسا کواءف آتے پک کیرہ ۔ ذراءع نار داٹ غٹ کواءف آتا تصدیق و سکورکارڈ پورو مننگ آن پد وام تا فراوانی بناکیک ۔ وزیراعظم نا خصوصی کمکار امور نوجوانان عثمان ڈار پارے کہ سرسہب ورنا پروگرام نا رداٹ وام تا دوئی کننگ کن درخواست تروک آتے پک ایکسٹرنل ایجنسی کیک ۔ ورناتا درخواست نا سکور کارڈ اس جوڑ کننگک ۔ اوپارے کہ بینک آتے وام تا فراوانی نا عمل ءِ پورو کننگ کن 45آن 50 دے انا ڈیڈلائن تننگانے و اومیت ءِ کہ دسمبر اٹی وام تا پیسہ غاتا ادائیگی نا چرجوئی بناکیک ۔
