لاہور ۔ 14نومبر (اے پی پی) چیئرپرسن سٹینڈنگ کمیٹی فار چیف منسٹر انسپیکشن ٹیم مومنہ وحید پارینے کہ خراج یکجا کننگ اسہ قومی ءُ فرض اسے ہراڑا ملکی شونداری نا سیبو ءِ ۔ حکومت نا معاشی اصلاحات آتے ٹی زرگزران اٹی گچینی و سوگوی بسنے ۔ اوپرے کہ نن واپار اٹی آسانی ودی کننگ کن گام گیج کرینن ہرافتا سوب پاکستان نا ایز آف ڈوئنگ بزنس ریٹنگ اٹی 28 پوائنٹس گچینی بسنے ہرادے ورلڈ بینک و ایلو جہانی ادارہ غاک ہم امنا کرینو ۔ حکومت دا منک کہ واپاری برادری کن اخہ در آسانی مریک ملک ہموخس زوت شون ہلیک ۔ اوپارے کہ اینو ملک اسہ کنڈ اسے آ سلوک ءِ نن دا ملک اٹی اصلاحات درستی راستی کرفنگ نا عمل نا بناءِ کرینن ہراڑان معاشی ٹک آتے ٹی گچینی بننگ ءِ ، اینو ملک انا کرنٹ اکاءونٹ نسخان کم مننگ ءِ، ملکی برآمد آتے ٹی ودکی وخت اس کہ درآمد آتے ٹی کمتی بسنے، سٹاک مارکیٹ اٹی پدریسہ گچینی بننگ ءِ ۔ اوپارے کہ پیپلزپارٹی نا دور اٹی واشنگٹن نا دورہ غا خڑچ آک 8 لکھ ڈالر ئسر، (ن) لیگ نا دور اٹی اسہ دورہ 7 لکھ ڈالر اٹی مس وخت اس کہ ہمو دورہ ءِ عمران خان کرے تو اوڑا بیرہ 65000ڈالر خڑچ بس ۔ اقوا م متحدہ نا دیوان اٹی دورہ ٹی مروک آ خڑچ آتا بارواٹی اوپارے کہ مستین نا نسبت ساڑی حکومت نا دور اٹی دا دورہ نا خڑچ آتے بیرہ اسہ لکھ 60 ہزار ڈالر اسکان محدود تخنگا ۔ اوپارے کہ نن ہروڑکوشست کرینن کہ الس نا پیسہ غاتے بچفنگے ۔ کفایت شعاری نا مہم نا مسخت الس نا پت ءِ بحال کننگ ءِ ۔
