اسلام آباد ۔ 14نومبر (اے پی پی) بنجائی وزیر انسانی حق ڈاکٹر شیریں مزاری پارینے کہ چناتے تون بیدادی نا برخلاف آگاہی مہم اٹی لمہ و باوہ نا کڑد غٹ آن اہم ءِ، پاکستان اٹی چناتا برخلاف بیدادی نا کانود ساڑی ارے ولے جوان عملدرآمد اف، اسلام آباد اٹی چائلڈ پروٹیکشن نا کانود ساڑی ارے ، استاد و لمہ و باوہ اگہ چناتا ہیت ءِ بنپس تو دمدستی ہیلپ لائن آ غاوتے درج کرفر ۔ داخیال آتا درشانی ءِ او پنچ شنبے نا دے آ سی ڈی ماڈل اسکول آئی نائن اٹی اڈ ہلوک آ دود آن تران کرسا کرے ۔ بنجائی وزیر ڈاکٹر شیریں مزاری پارے کہ چناتے تون بیدادی نا برخلاف آگاہی مہم بایدے لمہ وباوہ غان بناکے ۔ پاکستان اٹی چناتا برخلاف بیدادی نا کانود ساڑی ارے، ولے جوان عملدرآمد اف ۔ اوپارے کہ اسلام آباد اٹی چائلڈپروٹیکشن نا کانود ساڑی ءِ ہرانا رداٹ غاو تے درج کرفنگ مریک ۔ استاد و لمہ و باوہ اگہ چناتا ہیت ءِ خف توپس تو دمدسی ہیلپ لائن آ غاو درج کرفر ۔ اوپارے کہ اسہ کنڈ ا نن اسلامی ریاست پانہ تو ایلو کنڈ پاکستان اٹی بیدادی نا کیس آک ودنگ ءُ ۔ اوپارے کہ چناتے تون بیدادی نا کیس اسہ کیس اس تدوک آ دے ہم مون آ بسنے ۔ اوپارے کہ پیشن نا ملک آن اسہ دوبہ دار اسے چناتے تون بیدادی آ ڈی پورٹ کننگا ۔ اوپارے کہ چناتے بیدادی نا واقعہ غاتیان بچفنگ نا آگاہی نا زمواری استاد و لمہ و باوہ غاتیا مریک ۔ داوخت آ وزیراعظم نا خصوصی کمکار سی ڈی اے امور علی نواز اعوان ہم ساڑی ئس ۔
