راولپنڈی ۔ 13 نومبر (اے پی پی) پاک اُرد ءِ ترجمان میجر جنرل آصف غفور ءَ گوشت کہ سزا بوتگیں بھارتی ناشرکار کلبھوشن یادیو ءِ ھوالگ ءَ میاں اوستمانی آمید گس (آئی سی جے) ءِ پیسلہ ءِ ھوالگ ءَ آرمی ایکٹ ءِ تہ ءَ مٹ ءُ بدلی ءِ گپ دروگ ءُُ وت سرئیں اَنت، ڈی جی آئی ایس پی آر میجر جنرل آصف غفور ءَ وتی ٹویٹ ءَ گوشت کہ کلبھوشن یادیو ءِ ھوالگ ءَ میاں اوستمانی آمید گس ءِ پیسلہ ءِ ھوالگ ءَ آرمی ایکٹ ءِ تہ ءَ مٹ ءُُ بدلی ءِ گپ بے سر ءُُ پادیں اَنت، پدا ھم آئی سی جے آنی پیسلہ آنی جتا جتائیں کانودی تک آنی سر ءَ چار ءُُ بچار کنگ بوھگ ءَ انت ۔ آئی ءَ گوشت کہ اے جیڈھ ءِ سر ءَ پکوئیں پیسلہ گیشینتگیں وھد ءُُ پاس ءَ سئیگ کنگ بیت ۔
