اسلام آباد ۔ 13نومبر (اے پی پی) بنجائی وزیر انسانی حق ڈاکٹر شیریں مزاری پارینے کہ کشمیر نا ویل آ حکومت نا موقف بالکل پیدوار ءِ ، مقبوضہ کشمیر اٹی کرفیو نا چٹفنگ اسکان بھارت تون ہچ ءُ ہیت وگپ اس مفک، اولیکو وار حکومت کشمیر نا معاملہ ءِ پبی وڑاٹ چست کرینے، تاریخ اٹی اولیکو وار جہانی کہول آ مقبوضہ کشمیر اٹی بھارتی بیدادی نا برخلاف ہیت مننگ ءِ، تدوک آ حکومت آتا کشمیر نا معاملہ غا بیانیہ کنفیوزیشن نا گواچی ئس، مستین سیاسی حکومت کشمیر نا ویل ءِ گچین وڑاٹ ہرفنگ کتو، مودی کشمیر اٹی ہموفتے کننگ ءِ ہرا فتے فلسطین اٹ کننگا، جہانی برادری اقوام متحدہ نا قرارداد آتے گیرام کرینے، نن چناو زالبول آتون بیدادی آ ہم بایدے چکار کین ، مقبوضہ کشمیر اٹی داوخت آ چناک خوف اٹ اختہ ءُ ۔ داخیال آتا درشانی ءِ او چارشنبے نادے آ داڑے کشمیر کانفرنس آن تران کرسا کرے ۔ بنجائی وزیر ڈاکٹر شیریں مزاری پارے کہ داوخت کشمیرنا ویل آ حکومت نا موقف بالکل پیدوار ءِ ، بھارت تون کرفیو نا چٹفنگ اسکان ہیت وگپ مفک ۔ اولیکو وار حکومت کشمیر نا معاملہ ءِ پبی وڑاٹ ہرفینے ۔ تاریخ اٹی اولیکو وار جہانی کہول آ مقبوضہ کشمیر اٹی بھارتی بیدادی نا برخلاف ہیت مننگ ءِ ۔ مقبوضہ کشمیر نا زالبول آتے سلام پیش کینہ ۔ اوپارے کہ بیرہ کشمیر آخا بھارت اٹی ہم مسلمان تتون بیدادی مننگ ءِ ۔ بھارت اٹی مسلمان تا برخلاف بیدادی نا معاملہ ہم پبی وڑاٹ بایدے چست کننگے ۔ ورلڈ ٹیررازم ءِ پاکستان تون گنڈنگ نا سازش کننگ انگ ءِ ۔ کشمیر نا ویل انا ایسری کن حکومت غٹ آپشن آتیا سجفنگ ءِ ۔ اوپارے کہ کشمیر نا ویل آ پارلیمان نا دیوان ءِ بایدے بٹنگ انگے ۔
