اسلام آباد ۔ 13نومبر(اے پی پی) پاک بحریہ ء ِ جارچین ءَ گشتگ کہ امیر البحر ایڈمرل ظفر محمود عباسیءَ گترءِ سرکاری ترء ُتابءِ وہدءَ گتری مزن وزیرءَ حاسیں گندء ُنندکتگ ابید سلاہ بندیں اُردوانی چیف آف سٹاف ء ُ کمانڈر گتر امیری نیول فورسز ءَ گوں جتاہ جتاہ گندء ُنندکتگ ۔ گندء ُنندءَ دونیمگی کاراں ہوار زِری کمک ءَ را گیش کنگءِ سرءَ ھیالء ُلیکہ ءِ درشانی کنگ بوتگ ۔ امیر البحر ءَ خطہ ءَ میری سکیورٹی ء ُ امنء ُ ایمنی ءَ را الم کنگءِ جزم ءِ درشانی کتگ ۔ نیول بیس سربوہگءَ گتر ءِ بحری فورس ءِ سروکءَ ایڈمرل ظفر محمود عباسی ءَ را وش اَتک کتگ ۔ آئیءَ را گارڈ آف آنر ہم پیش کنگ بوتگ ۔ امیر البحر ءَ میری ٹائم وار فیئر ء ُ ٹریننگ سنٹر ء ُ اکیڈمی ءِ ترء ُتاب کتگ ۔ ایشیءَ پد امیر البحر ءَ گتر ءَ الجزیرہ میڈیا نیٹ ورک ءِ ترء ُ تاب کتگء ُایگزیکٹو ڈائریکٹر ءَ ہوار دگہ بازیں صحافی آں گوں گپء ُترانءَ بھر زُرتگ ۔ امیرالبحر ءَ وتی ترء ُتابءِ وہدءَ کشمیرءِ جیڑ ہ ءِ سرءَ پاکستانءِ لیکہ ءَ را پدّر کتگ ۔ امیر البحر ءِ ترء ُ تابءَ چہ دوئیں ملک حاس بحریہ ءِ نیامءَ سیادی گیش محکم بنت ۔
