اسلام آباد ۔ 13نومبر(اے پی پی ) ریلوے ءِ بنجاہی وزیر شیخ رشید احمد ءَ گشتگ کہ جے یو آئی (ف) ءِ سروک مولانا فضل الرحمن راجی ادارگانی حلاپءَ کستء ُ کینگ ودیں کنوکیں گوشتانک مہ دنت ۔ چارشمبے ءِ روچءَ نجی ٹی وی چینل ءَ گوں گپء ُتران کنانءَ آئیء َ مولانا فضل الرحمان ءَ گوں دزبندی کتگ کہ آ وتی منوّکیں کارکنوں سرتی ءِ سرءَ دور مہ دنت بلکیں آیاں کمک بہ دنت، ایچ لیڈر اے وڑ سنگدل بوت نہ کنت کہ سرتی ءِ موسم ءَ بنجاہی حکومتءَ دھرنا بہ دنت ۔ یک جستے ءِ پسوءَ آئیءَ گشتگ کہ پیسرگیں صدر آصف علی زرداری وتی ضمانت ءِ ھاترءَ قانودی رھبند کارمرز بہ کنت ۔ مسلم لیگ(ن)ءِ گارنٹی بانڈ جم کنگءِ سرءَ گپء ُتران کتگء ُ آئیءَ گشتگ کہ نواز شریف ءَ را جانء ُ سلامتیءِ ردءَ ضمانت دیءگ بوتگ ، مزن وزیر عمران خانءَ وزیرآناں پنتء ُشو ن کتگ کہ آ نواز شریفءِ جانء ُ سلامتی ءِ ہوالگءَ بیان مدے اَنت ۔ آئیءَ گشتگ کہ جانء ُسلامتی یک مزنیں مڈی اِت اگاں مسلم لیگ(ن) ءِ راستی ءَ نواز شریفءِ علاجءَ کنگ لوٹ ایت آ گڑا گارنٹی بانڈز دیءگءَ مکن مکنت ۔
