اسلام آباد ۔ 13نومبر(اے پی پی) مزن وزیر عمران خانءَ گشتگ کہ ملکی معیشت مھکم بوہگءَ اِنت، پاکستانءَ درملکی زرکار پیداک اَنت، حکومت پہ درملکی زرکاراں ارزانی ودی کنگ ءَ اِنت، آیوکیں وہدءَ وتی ورناہ آں روزگار دیاں ، چین ءَ گوں مے سیادی پیسرءَ چہ نوں جوان تر اَنت، یکجائی منصوبہ آنی دلبڈی ءَ کنگ بوہگءَ اِنت ۔ چارشمبے ءِ روچءَ میسرز ایم ایس ڈی ٹائر اینڈ ربر کمپنی، میسرز ڈبل سٹار چائنہء ُ ڈائیوو پاکستان ایکسپریس بس سروس ءِ نیامءَ پاکستانءَ ٹائرآنی جوڑ کنگءِ سئے باسکی منء ُ گرءِ سرءَ دستخطی مراگشءَ گوں تران کنانءَ مزن وزیر عمران خانءَ گشتگ کہ چینءِ کمپنی ءِ نیمگءَ چہ پاکستانءَ زرکاری کنگءَ را وش اَتک کناں ۔ آئیءَ گشتگ کہ کلدارءِ نیاد گہتر بوتگ ۔ وشی ءِ گپ ایں کہ ملکی معیشت مھکم بوہگءَ اِنت ۔ آئیءَ گشتگ کہ آئی ایم ایف، ایشین ڈویلپمنٹ بینکء ُ میاں اوستمانی بینک ءَ مے معاشی مھکمی ء ُ پاکستانءَ بیپارءَ را ارزان کنگءِ اوست داتگ ۔ ہما ٹائر کہ پیسر ڈنی ملکءَ شپوکی کتگء ُ اِدءَ آرگ بوتگ اَنت نوں اے منء ُگرءِ ردءَ ملک ءِ تہءَ جوڑ بنت ۔ مارا ڈنءَ چہ ٹائر لوٹارینگ ءِ ضلورت نہ بیت بلکیں مے وتی ملک ءَ ٹائر جوڑ بیتء ُ ما وت ڈنی ملک ءَ ٹائر برآمد کنگ بنت ۔ ایشی ءَ چہ مے کرنٹ اکاءونٹ ءِ نقصان کم بیت ۔ آئیءَ گشتگ کہ ما راستیں نیمگےءَ رہادگ اَنت ۔ چینی کمپنی آنی گوما یکجائی منصوبہ بندات کنگءِ دلبڈی کنگ بوہگءَ اِنت ۔ پہ آیاں ارزانی ودی کنگ ءِ ضلورت اِنت ۔ ما سرج میں کوشستءَ کنگءَ اَنت کہ پہ زرکاراں پاکستانءَ گیش ارزانی ودی بہ کن اَنت ۔
