اسلام آباد ۔ 12نومبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ مثبت معاشی ٹک آک اقتصادی سوگوی نا علامت ءُ، معاشی سوگوی اتون السی اومیت آتیا پورو سلنہ، پاکستان مشکل حالیت آتیان پیش تمانے و مشکل معاشی چیلنج آتا مون ءِ توننگ ءِ ۔ داخیال آتا درشانی ءِ او سے شنبے نادے آ بنجائی کابینہ نا دیوان آن پد میڈیا ءِ حوال ترسا کرے ۔ اوپارے کہ معاشی سوگوی نا بھرم آتے الس اسکان سرکینہ، مثبت معاشی ٹک آک اقتصادی سوگوی نا علامت ءُ، ملکی محصولات آتا کٹیا طے کروک ہدف آتیان زیات مسنے ۔ اوپارے کہ اینخو مالی سال اٹی جولائی آن اکتوبر اسکان نا معاشی ہدف آتا دوئی کرینے، سلاہکار خزانہ کابینہ ءِ اقتصادی ٹک آتیا خصوصی حوال تس ۔ اوپارے کہ پاکستان نا سوگو معاشی حالیت آتا جہانی ادارہ غاک ہم معترف ءُ ۔ اوپارے کہ سٹاک مارکیٹ اٹی ترندی حکومت نا مثبت پالیسی تا درشانی ءِ، حکومت صوبائی حکومت آتا کارکڑدگی آ نظر تخانے، صوبائی حکومت آتیان ماہانہ کارکڑدگی رپورٹ بٹنگ انگ ءِ ۔ اوپارے کہ وزیراعظم عمران خان معاشی ٹیم انا کارکڑدانا ستاءِ کرے، پاکستان مشکل معاشی چیلنج آتا مون ءِ توننگ ءِ، معاشی سوگوی اتون اوار اوار السی اومیت آتیا پور و سلنہ، پاکستان مشکل حالیت آتیان پیش تمانے، بھرم آتے الس اسکان سرکننگ اٹ میڈیا نا کڑد بھاز اہم ءِ، حکومت یوٹیلٹی سٹور آتے الس نا ہردے ئی کاریم اٹ اتنگ نا گڑاتے کن 6 ارب روپئی تسنے ۔
