وزیراعظم عمران خان زرگزران ءِ سہی سمت آ شاغسا الس ءِ روزگار و کاروبار تننگ خواہک، ڈاکٹر فردوس عاشق اعوان

اسلام آباد ۔ 12نومبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ مولانا و اونا ہم نواک جبری تسلط نا منفی سوچ ءِ ہلر و جمہوری رویہ ءِ تینا کیر، ملک اٹی گڑاس خاہوت آتا جاگہ غا اولیکو وار حقی السی راج اس انت اکن جوڑ مس، وزیراعظم عمران خان زرگزران ءِ سہی سمت آ شاغسا الس ءِ روزگار و کاروبار تننگ خواہک ۔ سے شنبے نادے آ تینا اسہ ٹویٹ اسے ٹی ڈاکٹر فردوس عاشق اعوان پارے کہ مولانا و اونا ہم نواک منفی سوچ ءِ ہلر و جمہوری رویہ ءِ تینا کیر، اوفک ڈکھیا ءُ کہ ملک اٹی گڑاس خاہوت آتا جاگہ غا اولیکو وار حقی السی راج انت اکن قائم مس ۔ اوپارے کہ اوفتا فریشانی دادے کہ وزیراعظم عمران خان زرگزران ءِ سہی سمت آ شاغسا الس ءِ روزگار و کاروبار تننگ خواہک، مولانا مظلوم کارندہ غاتے تینا پارلیمان اٹی ہِننگ نا است خواہی نا گواچی کپ ۔ ڈاکٹر فردوس عاشق اعوان پارے کہ اوفتے بے رحم یخ موسم نا حوالہ کننگ نا جاگہ غا شرف اٹ اُراغا پدی ہِننگ نا ’’آجوئی ‘‘ ایتے ۔ غریب آتا چناک ، بزرگ آتا جان جوڑی و سلامتی ءِ خطرہ ٹی شاغپ ۔ خصوصی کمکار پارے کہ آئین و جمہوریت آن چپ خواست کرسا نظام ءِ نسخان تف ۔ چار سال صبر کے و مظلوم کشمیری تے کن توار بڑز کرسا دہ سال کشمیر کمیٹی نا بطور چیئرمین پروٹوکول ہلنگ نا کڑز ءِ ادا کے ۔