اسلام آباد ۔ 12نومبر (اے پی پی) بنجائی وزیر توانائی عمر ایوب خان تون رائل ڈچ شیل نا حکومتی تعلقداری و جہانی سلابتی نائب صدر جیمز ہال نا کماشی ٹی سی ای او شیل پاکستان لمیٹڈ ہارون رشید تون اوار سے شنبے نادے آ پیٹرولیم ڈویژن اٹی اوڑدہی مس ۔ اوڑدہی ٹی جیمز ہال بنجائی وزیر ءِ پاکستان اٹی ساڑی آ وآخبت نا ڈٹ و سویلی ایشیا ڈیہہ ٹی رائل ڈچ شیل نا ڈٹ آتا بارواٹ معلومدار کرے ۔ جیمز ہال پاکستان اٹی معاشی، ماحولیاتی زمواری و ودوک آ توانائی نا طلب ءِ پورو کننگ کن شیل انٹرنیشنل نا بدل مفروک وابستگی نا مخ تفی ءِ کرے ۔ شیل پاکستان نا ایم ڈی ;223;سی ای او ہارون رشید خوردہ تیل، گریس ، واپار ، کاروبار و ہوابازی نا بشخ آتون اوار ملک اٹی برجاڈٹ آتیا حوال تس ۔ اوبنجائی وزیر ءِ داہم پارے کہ شیل پاکستان نا 780 ساءٹ آتا خوردہ تیل نیٹ ورک نا بابت ہم معلومدار کرے ہراڑان براہ راست ، بالواسطہ روزگاری نا وارخواہی و مارکیٹ اٹی فعال کڑد انا بارواٹی معلومدار کرے ۔ بنجائی وزیر جیمز ہال نا خیرمقدم ءِ کرے، و رائل ڈچ شیل انا کاروباری شریدار و آخبتی کمکاری نا ستاءِ کرے ۔ اوشیل ناپاکستان تون وابستگی و پاکستانی مارکیٹ اٹی وسعت نا ہم ستاءِ کرے ۔ بنجائی وزیر ساڑی حکومت نا زرگزران و توانائی نا بشخ آتے ٹی اصلاحات نا بارواٹی معلومدار کرے ۔ اوخصوصی وڑاٹ ملک اٹی واپار کننگ اٹ آسانی ودی کننگ ساڑی حکومتی گام گیج آتیا گپ و تران کریر ۔ وزیر پاکستان نا انرجی مکس انا بارواٹی پارے کہ ساڑی حکومت جم وڑاٹ توانائی مکس اٹی قابل تجدید ذراءع نا شریداری ٹی تنوع ودی کننگ و اوفتے ٹی ودکی کیک ۔ اوپاکستان نا توانائی نا بشخ اٹی خوردہ تیل ، واپار، فراوانی و ایل این جی تون اوار زرکاری نا سلاہ ئی بشخ آتے ٹی ہم گپ و تران کرے ۔ بنجائی وزیر جیمز ہال انا دورہ غا منت واری ءِ ہرفے و اومیت ظاہر کرے کہ شیل وپاکستان نا شریداری ہڑتوم آتے کن فائدہ مند ثابت مریک ۔
