سرینگر ۔ 12نومبر (اے پی پی) مقبوضہ کشمیر اٹی بھارت نا کنڈآن برجا فوجی محاصرہ و مواصلاتی ذراءع نا معطلی نا سوب آن دامان کشمیر و جموں و لداخ نا مسلم اکثریتی علاقہ غاتے ٹی سے شنبے نادے آ پدریسہ 100 می دے ہم ہردے ئی زند ژند ئس ۔ کشمیر میڈیا سروس نا رداٹ بھارتی فورس آتا بھلو کچ اسے ٹی ساڑی گری آن بیدس علاقہ ٹی دفعہ 144نا رداٹ سخت پابندی خلوک ءِ ۔ دامان کشمیر و جموں نا مسلم اکثریتی علاقہ غاتے ٹی انٹرنیٹ ، ایس ایم ایس و پری پیڈ موبائل فون سروس پورو وڑاٹ بند ءُ ۔ بھارتی کوزہ و اونا 5 اگست نا غیر کانودی گام گیج نا برخلاف دامان کشمیر نا خلقت بطور برانز تینا دوکان و کاروباری ہند آتے پدریسہ بند کرینو و سرکاری دفتر و تعلیمی ادارہ غاتے ٹی عملہ و طالب علم آتا حاضری مفننگ نا بریبر ءِ وخت اس کہ پبلک ٹرانسپورٹ ہم روڈآتیان غیب ءُ ۔ خلقت نا ہردے ئی گرج آتے پورو کننگ کن دوکانک بیرہ سہب و شام انا وخت اسہ اِراگھنٹہ کن ملنگرہ ۔ داڑے بھارتی حکومت نا 5 اگست نا گام گیج نا برخلاف دائر درخواست آتا ورندی ٹی بھارتی حکومت دوشنبے نادے بھارتی سپریم کورٹ اٹی جمع کروک آ تینا حلف نامہ ٹی دفعہ 370 نا چٹفنگ نا جواز ءِ پیش کرینے ۔ بھارتی سپریم کورٹ ہرا بابری مسجد کیس اٹی متعصبانہ فیصلہ نا منسوخی نا برخلاف دائر چندی درخواست آتا سماعت ءِ 14نومبر آ کننگ ءِ ۔
