اسلام آباد ۔ 12نومبر (اے پی پی) مرکزی سیکرٹری اطلاعات پاکستان تحریک انصاف احمد جواد پارینے کہ سٹیٹ بینک انا کوڑی تیٹی 443 ملین ڈالر ز نا ودکی مسنے، حکومت پوسکن آ پاکستان ہاءوسنگ اسکیم کن ودکی 30 ارب جتا کرینے، متحدہ عرب امارات نا کنڈآن خصوصی بندغ آتے کن اول ’’ایکسیسیبیلٹی ایکسپو ‘‘ نا اڈتننگ ہراٹی پاکستانی پلیٹ فارم اولیکو 10 اٹی اوار، بھکر اٹی تھل یونیورسٹی اس جوڑ کننگک، وزیراعلیٰ پنجاب منظوری ءِ تسنے، حکومت نا ٹیکسی سروسز ءِ خراج نا دنگ اٹی اوار کننگ نا فیصلہ کننگانے ۔ سے شنبے نادے آ پاکستان تحریک انصاف نا مرکزی میڈیا ڈیپارٹمنٹ آن جاری بیان نا رداٹ 9 سال انا وقفہ غان پد پشاور اٹی 33می قومی گوازی تا بناءِ کرینے ۔ اوپارے کہ حکومت شونداری کاریم تیکن پی ایس ڈی پی نا رداٹ 257 ار ب روپئی جاری کرینے ۔ احمد جواد پارے کہ پوسکن آ اسلام آباد انٹرنیشنل ایئر پورٹ آ اولیکو سیلف چیک ان کیاسک اس درستی راستی کرفنگا ۔ اوپارے کہ برآمد آتا مون آ دننگ کن حکومت 200 ارب نا پیکج نا پڑو ءِ کرینے ۔ گردشی وام تا ویل ءِ ایسر کننگ کن حکومت نا 250 ارب روپئی ودکی جتا کننگ نا فیصلہ ہرا بروک آ منہ ہفتہ ٹی کبینی ءِ کم کننگ اٹ کمکار مریک ۔ احمد جواد پارے کہ حکومت پوسکن آ پاکستان ہاءوسنگ اسکیم کن ودکی 30 ارب جتا کرے ۔ ہزارہ موٹروے نا شاہ مقصود آن مانسہرہ اسکان نا بشخ انا بناءِ 15نومبر آ کننگک ۔ اوپارے کہ 15سال اٹی اولیکو وار بنگلہ دیش پاکستان آن پیماز بٹنگک ۔ پنجاب حکومت نا اولیکو وار گڑاتا آب ءِ مون آ تخسا سی انا نرخ مقرر کننگ نا فیصلہ ۔ احمد جواد پارے کہ 36,500 پوائنٹ آن گدرینگسا سٹاک 6 تُو انا بڑز کو انگا کہول آ سرمس ۔
