اسلام آباد ۔ 12نومبر (اے پی پی) راجی تنظیم پیس اینڈ کلچر آرگنائزیشن نا چیئرپرسن و حریت راہشون یاسین ملک نا اُرائی مشال ملک پارینے کہ مقبوضہ کشمیر اٹی کرفیو و محاصرہ ءِ 100 دے پورو مسنے، کشمیر اٹی داسہ سرینگر تون اوار اہم جاگہ و ہند آتا پن ءِ بدلیفنگ انگ ءِ ۔ دا اقوام متحدہ نا قرارداد آتا خلاف ورزی ءِ دنیا دانا نوٹس ءِ ہلے، کشمیری اقوام متحدہ نا قرارداد آتا رداٹ نئے مہالو ہندوستانی ئسر و نئے داسہ ءُ، مصنوعی گڑاتیان راستکی تے بدل کننگ مفک ۔ سے شنبے نادے آ تینا بیان اٹی او پارے کہ کشمیر اٹی داسہ سرینگر تون اوار اہم جاگہ و ہند آتا پن ءِ بدلیفنگ انگ ءِ ، دا اقوام متحدہ نا قرارداد آتا خلاف ورزی ءِ دنیا دا نا نوٹس ءِ ہلے ۔ اوپارے کہ اینو مچ آ مقبوضہ کشمیر قبرستان اس جوڑ مسنے ۔ ہموڑے خلقت ءِ چٹفنگ انگ ءِ، بروک آ مرحلہ ٹی کشمیری تا پہچان ءِ چٹفنگ انگ ءِ، سرینگر نا پن ءِ بدل کرسا شیونگر تخنگ انگ ءِ، شیر کشمیر اسٹیڈیم نا پن ءِ سردار پٹیل تخنگ انگ ءِ، اوپارے کہ کشمیری تے بیرہ حق خودارادیت درکار ءِ ۔
