کوءٹہ ۔ 12نومبر (اے پی پی) پاکستان کوسٹ گارڈز وندر (بلوچستان )نا خڑک واقع ناکہ کھاری چیک پوسٹ آ کوءٹہ غان کراچی آ بروک آ مسافر کوچ اٹی سُوار اسہ نیاڑی اسے نا گڑاتا پٹنگ اٹی 24کلو گرام بڑزکو کوالٹی نا چرس دوئی کرسا زالبول ءِ دزگیر کننگا، ترجمان پاکستان کوسٹ گارڈز انا رداٹ سے شنبے نادے پاکستان کوسٹ گارڈز وندر (بلوچستان ) نا خڑک واقع ناکہ کھاری چیک پوسٹ آ کوءٹہ غان کراچی آ بروک آ مسافر کوچ اٹی سوار اسہ نیاڑی اسے نا گڑاتا پٹنگ اٹی 24کلو گرام بڑزکو کوالٹی نا چرس دوئی کرسا زالبول ءِ دزگیر وخت اس کہ اسہ پین کارروائی اسے ٹی آدم کنڈ نا علاقہ غان سمندر نا کنارہ جھاڑی تیٹی اودیم کروک آ 48 کلو گرام بڑزکو کوالٹی نا چرس دوئی کرے ۔ ہلوک آ منشیات آتا جہانی مارکیٹ اٹی مالیت کم و ود 78;46;62 ملین روپئی نا لگ بھگ ءِ، دوئی مروک منشیات و زالبول اسمگلر ءِ دزگیر کرسا مستی جاست وپاست برجاءِ ۔ یات سلے کہ پاکستان کوسٹ گارڈز ہروڑنا اسمگلنگ نا توننگ کن ہروخت متاماری کننگ ءِ ۔ پاکستان کوسٹ گارڈ ملکی زرگزران ءِ سوگو کننگ اٹ تینا کڑد ءِ ادا کرسا کیک ۔
