برطانیہ نا مسہ ہزار نرس آتا ڈیمانڈءِ پورو کننگ کن وزارت نیشنل ہیلتھ سروسز اتون اواری اٹ کاریم کننگ اُن، خصوصی کمکار ذوالفقار بخاری

اسلام آباد ۔ 11نومبر (اے پی پی) وزیراعظم نا خصوصی کمکار اوورسیز پاکستانیز ذوالفقار بخاری پارینے کہ برطانیہ نا کنڈآن مسہ ہزار نرس آتا ڈیمانڈ ءِ پورو کننگ کن وزارت نیشنل ہیلتھ سروسز تون اواری اٹ کاریم کننگ ءُ ۔ خصوصی کمکار ’’اے پی پی‘‘ تون گپ و تران کرسا پارے کہ پاکستان افرادی قوت ءِ ودفنگ کن اہم گام گیج کننگ ءِ دا بابت پاکستان رومانیہ ٹی 2 سد بندغ نا اولیکو پڑک ءِ گدریفینے و ساءوتھ کوریا تون ہم کوٹہ 20 درسد ءِ ودفینے، نن ملائیشیا تون اوار اوار یورپین ملک آتون افرادی قوت نا تبادلہ غا کاریم کننگ ءُ ۔ اوپارے کہ برطانیہ پاکستان آن 3ہزار نرسز درآمد کننگ نا ڈیمانڈ ءِ کریسس ہراڑکن وزارت اوورسیز پاکستانیز، نیشنل ہیلتھ سروسز تون اواری اٹ ادارہ ملنگ ءِ تانکہ نرسز ءِ انگلش کورسز کرفسا اوفتے جہانی آب انا رداٹ برطانیہ غا گدریفنگ مرے ۔