اسلام آباد ۔ 11نومبر (اے پی پی) وزیر خارجہ شاہ محمود قریشی پارینے کہ اینو مقبوضہ جموں و کشمیر ءِ ہراوڑ انٹرنیشنلائز کرینے و ہراوڑ پاکستان نا موقف ءِ بِننگ انگ ءِ دانامثال مستین اٹی ملیپک، کرتا پور راہداری ءِ ملنگ نا گام گیج ءِ نن اللہ نا خوشنودی کن کرینن، نن دنیا ءِ اسہ پیدوار ءُ کلہو اس تسونن کہ پاکستان اٹی پورو مذہبی آجوئی ءِ، خلقت تینا عبادت گاہ تیا ہِننگ کن پورو آجو ءُ وخت اس کہ دانا برعکس سرینگر اٹی کشمیری تے نمازجمعہ نا خواننگ کن النگ پننگ انگ ءِ، دوشنبے نادے آ پارلیمنٹ ہاءوس نا پیشن میڈیا تون گپ و تران کرسا اوپارے کہ ساڑی حکومت بھارتی مقبوضہ جموں و کشمیر ءِ ہراوڑ جہانی کہول آ تالان کرے و ہراوڑ پاکستان نا موقف ءِ بِننگ انگ ءِ دانا مستین اٹی مثال ملیپک ۔ اوپارے کہ وزیراعظم عمران خان نا کماشی ٹی ساڑی حکومت کرتارپورراہداری ءِ ملنگ نا گام گیج اللہ نا خوشنودی کن کرینن، نن دنیا ءِ اسہ پیدوار ءُ کلہو اس تسونن کہ پاکستان اٹی پورو مذہبی آجوئی ءِ ، خلقت تینا عبادت گاہ تیا ہِننگ کن پورو آجو ءُ وخت اس کہ دانا برعکس سرینگر اٹی کشمیری تے نماز جمعہ نا خواننگ کن النگ پننگ انگ ءِ، عئید انا نماز ءِ ہم خواننگ کن النگتوو محرم الحرام اٹی تعزیہ نا جلوس آتے کشنگ کن ہلنگتو، وخت اس کہ مچ آ کشمیر عید میلادالنبی نا جشن ءِ اڈتننگ آن ہم محروم ،م کشمیری تا قلبی کیفیت نا کساس ءِ خلنگ مریک ۔ اوپارے کہ دنیا خننگ ءِ کہ ہمہ بنداوی انسانی حق ءِ سلب و پامال کننگ انگ ءِ و پاکستان گچین وڑاٹ بھارت ءِ بے نقاب کننگ ءِ ۔
