اسلام آباد ۔ 11نومبر(اے پی پی) ملک ءِ صدر ڈاکٹر عارف علوی ءَ گشتگ کہ کرتاپورراہداری حکومت پاکستان ءِ نیمگءَ چہ پہ سکھ براتیءَ یک مزنیں سوگات اِت، دنیاءَ امنء ُ ایمنی پہ دوستی ءَ گیش بیت ۔ اے حیالانی درشانی آئیءَ دوشمبے ءِ روچءَ گورنر گسءَ سکھ براتی ءِ شرپءَ داتگیں نانءِ دعوتءِ موہءَ تران کنانءَ کتگ ۔ صدرءَ گشتگ کہ سکھ مذہب امنء ُ ایمنی ءِ مذہب اِنت، مزن وزیر عمران خانءَ دائمءَ امنء ُ ایمنی ء ُ دوستیءِ گپ کتگ ۔ آئیءَ گشتگ کہ کرتارپورراہداری ءِ پچ کنگ حکومت پاکستان ءِ نیمگءَ چہ پہ سکھ براتی ءِ ھاترءَ یک مزنیں سوگات اِت، راہداری پچ کنگءِ سوبءَ سکھ براتی ءِ وشء ُ شاد بوتگ اَنت ۔
