اسلام آباد ۔ 11 نومبر (اے پی پی) مزن وزیر عمران خان ءَ گوشت کہ حکومت ءِ کوشت آنی نتیجگ ءَ معاشی جاور ھال برجم بوتگ اَنت ءُُ کاروباتی برات آنی دل یکیمی برجا بوتگ اے وھد ءَ حکومت ءِ دلگوشی لس مردم ءَ را آسراتی پجارینگ ءِ سر ءَ ٹِک اتگ اَنت، معاشی برجائی ءَ را پزور کنگ ءُُ سرمایہ کاری ءُُ کاروباری برات آنی واستہ آسانی پیداک کنگ حکومت ءِ اولی کار انت، ٹیل گیس ءُُ کدرتی مال ءُُ مڈی آنی شوبگ ءَ صوبگ آناں وتی کار رپک ءَ را گیش ودینگ ءَ بنجاھی حکومت ھمک رنگیں کمک پجارین ایت ۔ اے ھیالانی درشانی آئی ءَ دو شمبے ءِ روچ ءَ حکومت ءِ معاشی ٹیمب ءِ گوما دیوان ءَ گوں گشتانک دیان ءَ کت ۔ دیوان ءَ بنجاھی وزیر اقتسادی کار حماد اظہر ، وزیر ءِ منصوبگ بندی، دیمروئی کار ءُُ ھساب ءُُ کتاب مخدوم خسرو بختیار، مشیر ھزانگ ڈاکٹر حفیظ شیخ، مشیر تجارت عبدالرزاق داءود، ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ، ھاسیں کمکار ڈاکٹر ثانیہ نشتر، ھاسیں کمکار یوسف بیگ مرزا، ھاسیں کمکار ندیم بابر، چیئرمین سرمایہ کاری بورڈ سید زبیر گیلانی، پیسریگیں وزیر ءِ ھزانگ شوکت ترین، سیادی داروکیں محکمہ آنی بنجاھی سیکرٹریز، چیئرمین ایف بی آر، شبر زیدی، چیئرمین نوکیں پاکستان ہاءوسنگ اتھارٹی لیفٹینٹ جنرل (ر) انور علی حیدر ءُُ ایندگر کلانہ ایں اپسرگ شریک اتنت ۔ مزن وزیر ءَ گوشت کہ معاشی برجائی ءَ را گیش دیمروئی دیگ ءُُ سرمایہ کار ءُُ کاروباری برات آنی واستہ آسانی پیداک کنگ حکومت ءِ اولی دیمروئی کار انت ۔ ھُدا وندی مڈی ءِ شوبگ ءَ دیمروئی ءِ ھوالگ ءَ تران کنان ءَ مزن وزیر ءَ گوشت کہ ٹیل ، گیس ءُُ ھُدا وندی مڈی ءِ شوبگ ءَ صوبگ آنی کار رپک ءَ را گیش ودینگ ءِ رد ءَ بنجاھی حکومت ھمک رنگ ءِ کمک پجاری کنت ۔ مزن وزیر ءَ گوشت کہ ھمروچگیں وردن ءُُ وراک ءِ لوٹ ءُُ رسگ ءُُ آیوکیں باندات ءِ کچ ءُُ کساس ءِ جنگ ءِ ھوالگ ءَ جوانیں منصوبگ بندی ءِ واستہ وزارت فوڈ سیکورٹی ءَ یک ھاسیں سیل ءِ جوڑ کنگ بوھگ ءَ انت تانکہ آیوکیں باندات ءِ ضلورت آنی رد ءَ بہ بیت ۔ دیوان ءَ معاشی جاور ھال ھاسیں رنگ ءَ ملک ءَ در ملکی سرمایہ کاری ءَ را دیمروئی ، ٹوھیں صنعتی یونٹس آنی واستہ آسراتی، ہسپتال آنی واستہ مشنری ساز ءُُ سامان آنی ڈیوٹی فری ڈن ءَ چہ آرگ حکومتی پیسلہ آنی پد ءُُ رند کنگ، ٹیل ءُُ گیس ءُُ ھُدا وندی مڈی ءِ شوبگ ءَ بنجاھی ءُُ صوبائی حکومت آنی نیام ءَ کمک آناں دیمروئی دیگ ، ملک ءَ شکر ءِ نیاد آنی تہ ءَ کمی آرگ ءُُ پاکستان اسٹیل ملز ءِ برجائی ءِ رد ءَ چست کتگیں گامگیج آنی سر ءَ بریفنگ دیگ بوت ۔ مزن وزیر ءَ گوشت کہ اے وھد ءَ ملک ءَ شکر ءِ امبار ءُُ استی جوان ءُُ دل یکیمی انت ۔ مشیر ءِ تجارت عبدالرزاق داءود ءَ پاکستان اسٹیل ملز ءِ برجائی ءِ واستہ کتگیں گامگیج آنی سر ءَ بریفنگ دات ۔ مشیر ھزانگ ڈاکٹر عبدالحفیظ شیخ ءَ مزن وزیر ءَ را معیشت ءِ ھواریں ءُُ اقتصادی ٹِک آنی تہ ءَ گہتری ءِ سر ءَ بریفنگ دیگ بوت ۔
