اسلام آباد ۔ 11نومبر (اے پی پی) وزیراعظم نا خصوصی کمکار حوالکاری وشین کاری ڈاکٹر فردوس عاشق اعوان پارینے کہ نواز شریف نا پن ءِ ای سی ایل آن کشنگ کن وڑوڈول آ عمل مننگ ءِ، آصف زرداری نا خاہوت میڈیاغا بیان تا جاگہ غا کانودی کسر اس اختیار کیر، ضلعی عدالت آتاحالیت زار آن بنجائی کابینہ ءِ معلومدار کرین، وزیراعظم وزیر کانود نا کماشی ٹی خصوصی کمیٹی اس جوڑ کرینے ۔ داخیال آتا درشانی ءِ او دوشنبے نادے آ اسلام آباد ہائی کورٹ نا پیشن میڈیا تون گپ و تران کرسا کرے ۔ خصوصی کمکار ڈاکٹر فردوس عاشق اعوان پارے کہ ہر ڈٹ ءِ پورو کننگ کن مالی وسیلہ نامننگ المی ءِ ۔ اسلام آباد نا ضلعی عدالت آتا حالیت زار آن بنجائی کابینہ ءِ معلومدار کرین ۔ داہیت آ امنا اُن کہ ضلعی عدالت آتا حالیت زار خراب ءِ ۔ اوپارے کہ وزیراعظم وزیر کانودنا کماشی ٹی خصوصی کمیٹی اس جوڑ کرینے ۔ کمیٹی ٹی وکیل آتا نمائندہ غاک ہم اوار مریرہ ۔ اوپارے کہ کمیٹی سوالی و عدالت آتون گنڈوک ایلو کڑدہ غاتا سلاہ تے حکومت آ پیش کیک ۔ حکومت ہر بشخ اٹی اصلاحات آ عمل کننگ ءِ ۔ اوپارے کہ نواز شریف نا پن ءِ ای سی ایل آن کشنگ کن وڑوڈول آ عمل مننگ ءِ ۔ اوپارے کہ نواز شریف نیب انا دوبہ دار ءِ ۔ حکومت پرائیویٹ نا جاگہ غا سرکاری میڈیکل بورڈ انا سلاہ ءِ امنا کیک ۔ خصوصی کمکار پارے کہ اگہ آصف زرداری ناجوڑ ءِ تو او وڑوڈول انا رداٹ درخواست ایتے و اونا خاہوت میڈیا غا بیان تا جاگہ غا کانودی کسر اس اختیار کیر ۔
