وزیراعظم پروگرام امور نوجواناں نا نادرانا شریداری اٹ ’’یوتھ امپاورمنٹ کارڈ ‘‘ جاری کننگ نا ڈٹ

ورناک سفری ٹکٹ ، پاسپورٹ فیس و قومی شناختی کارڈ کون آ شاریک آسراتی تے رعایتی نرخ آتیا دوئی کننگ کیرہ

اسلام آباد ۔ 11نومبر (اے پی پی) وزیراعظم پروگرام امور نوجواناں نادرا نا شریداری اٹ ’’یوتھ امپاور منٹ کارڈ ‘‘ انا جاری کننگ نا ڈٹ اس جوڑ کرینے تانکہ ورناتے معاشی وڑاٹ وتواجہ و واکدار جوڑ کننگ مرے ۔ امور نوجواناں نا کمامدارآتارداٹ دا خصوصی کارڈ ورناتے کن اسہ رعایتی کارڈ اس مریک ہرانا رداٹ ورناک سفری ٹکٹ، پاسپورٹ فیس و قومی شناختی کارڈ کون آ شاریک آسراتی تے رعایتی نرخ آتیا دوئی کننگ کیرہ ۔ اوپارے کہ نادرا مچ آ ملک انا ورناتا بنداوی کواءف آتے یکجا کیک و داکارڈ انا رداٹ اوفتے 4ہزار آن 5ہزار روپئی ہم فراوان کننگک تانکہ او دا آسراتی آن فائدہ ہرفنگ کیر ۔ پاکستان تحریک انصاف نا حکومت ورناتے کن آخبتی وارخواہی فراوان کننگ کن پرعزم ءِ تانکہ او قومی شونداری ٹی تینا کڑد ءِ ادا کننگ کیر ۔