اسلام آباد ۔ 11نومبر (اے پی پی) اقتصادی کمکار تنظیم ( ای سی او) کونسل آف فارن منسٹرز نا دیوان اٹی پارلیمانی سیکرٹری خارجہ عندلیب عباس ترک وزیر خارجہ میولود چاوش اوغلو تون اوڑدہی کرے ۔ اوڑدہی ٹی پاکستان و ترکی نا نیام اٹ ہڑتوم آ کنڈآتا واپاری کمکاری نا بابت خصوصی گپ وتران کننگا ۔ ترک وزیر خارجہ پاکستان و ترکی نا نیام اٹ اولیتی واپاری معاہدہ نا بابت …
ای سی او کونسل آف فارن منسٹرز نا دیوان اٹی پارلیمانی سیکرٹری خارجہ عندلیب عباس نا ترک وزیر خارجہ تون اوڑدہی
گیشتریں ھال
اسلام آباد ۔ 11نومبر (اے پی پی) اقتصادی کمکار تنظیم ( ای سی او) کونسل آف فارن منسٹرز نا دیوان اٹی پارلیمانی سیکرٹری خارجہ عندلیب عباس ترک وزیر خارجہ میولود چاوش اوغلو تون اوڑدہی کرے ۔ اوڑدہی ٹی پاکستان و ترکی نا نیام اٹ ہڑتوم آ کنڈآتا واپاری کمکاری نا بابت خصوصی گپ وتران کننگا ۔ ترک وزیر خارجہ پاکستان و ترکی نا نیام اٹ اولیتی واپاری معاہدہ نا بابت مذاکرات نا بناءِ کننگ آآمادگی نا درشانی ءِ کرے ۔ کڑدہ غاتا اسلام نا برخلاف خار تروک رویہ نا بیخ ءِ کشنگ و اسلام نا دروشم ءِ تالان کننگ کن پاکستان، ملائیشیا و ترکی نا شریداری اٹ پوسکن آ پڑو کروک ٹی وی چینل ءِ زوت آن زوت عملی دروشم اس تننگ آ امنا کریر ۔ ترک وزیر خارجہ میولود چاوش اوغلو مقبوضہ جموں و کشمیر اٹی جاری انسانی حق انا سنگین خلاف ورزی تے جہانی کہول آ تالان کننگ نا بابت پاکستان نا کڑد انا ستاءِ کرسا ترک حکومت نا کنڈآن دا رداٹ ممکنہ کمکاری نا باوری کرفے ۔
