اسلام آباد ۔ 11نومبر (اے پی پی) وزیراعظم پارے کہ تعمیرات نا بشخ ءِ مون آ دننگ حکومت نا اولیت ءِ ، دا بشخ انا مون آ دننگ آن ہی 50 لکھ اُراتا تفنگ نا غٹ آن اہم ڈٹ ایسر اسکان سرمریک، صوبائی و بنجائی کہول نا خراج آتون اوار چندی ویل آتا ایسری نا بابت قابل عمل سلاہ مرتب کننگ کن چیئرمین نیاپاکستان ہاءوسنگ اتھارٹی لیفٹیننٹ جنرل (ر) انور علی حیدر نا کماشی ٹی چیئرمین ایف بی آر، گورنر اسٹیٹ بینک، وزیر خزانہ پنجاب، صوبائی چیف سیکرٹریز و ایلو تعلقدار آتیا تالان کمیٹی اس جوڑ کرینے و پارت کرینے کہ کمیٹی بروک آ 24گھنٹہ ٹی خراج، بینک آتا کنڈآن وام تا فراوانی و ایلو مشکل آتا ایسری نا بابت لاءحہ عمل و سفارشات پیش کے ۔ داخیال آتا درشانی ءِ او دوشنبے نادے آ تعمیرات نا بشخ انا بحالی و مون آ دننگ نا بابت بڑزکو کہول انا دیوان نا کماشی ءِ کرسا کرے ۔ دیوان اٹی وزیراعلیٰ پنجاب سردار عثمان بزدار، وزیراعلیٰ خیبر پختونخوا محمود خان، وزیر خزانہ پنجاب مخدوم ہاشم جواں بخت، وزیر ہاءوسنگ پنجاب میاں محمود الرشید، وزیر خزانہ بلوچستان ظہور احمد بلیدی ، چیئرمین ایف بی آر سید شبر زیدی ، چیئرمین زرکاری بورڈ سید زبیر حیدر گیلانی، ڈپٹی چیئرمین ڈٹ بندی کمیشن جہانزیب خان، چیئرمین نیا پاکستان ہاءوسنگ اتھارٹی لیفٹیننٹ جنرل (ر) انور علی حیدر و سینئر بنجائی و صوبائی حکومت آتا آفیسر آک ساڑی ئسر ۔ دیوان اٹی تعمیرات نا بشخ ءِ مون تروک چیلنج آتا بابت سرجم حوال تننگا ۔ وزیراعظم ءِ تعمیرات نا بشخ اٹی بلڈرز، کنٹریکٹرز، ڈویلپرز و ماڑی تا ہلنگ و بہا کننگ اٹ مون تروک ویل خاص کر صوبائی و بنجائی کہول آ خراج آتا کچ، بینک آتا کنڈآن سرمایہ فراوان کننگ نا بابت مشکلات، رجسٹریشن و ایلو سرکاری کارروائی تا بابت مون تروک ویل ، وڈی خوری پین پین کون آ ویل آتیا سرجم حوال تننگا ۔ وزیراعظم پارے کہ تعمیرات نا بشخ ءِ مون آ دننگ حکومت نا اولیت ءِ ۔ اوپارے کہ تعمیرات نا بشخ اتون 40 انا لگ بھگ صنعت آک گنڈوک ءُ، تعمیرات نا بشخ اتون ہراڑے دا صنعت آتے شون ملک ہموڑے ورناتے کن نوکری تا وارخواہی دوبریک ۔ وزیراعظم پارے کہ معاشی عمل ءِ ترند کننگ کن تعمیرات نا بشخ انا مون آ دننگ بے حد المی ءِ ۔ وزیراعظم پارے کہ تعمیرات نا بشخ ننا حکومت کن بھاز اہمیت تخک، تعمیرات نا بشخ انا مون آ دننگ آن ہی 50 لکھ اُراتا تفنگ نا غٹ آن اہم ڈٹ ایسر اسکان سرمریک ۔ دیوان اٹی بینک آتا کنڈآن تعمیرات کن وام تا فراوانی، صوبہ غاتے ٹی تعمیرات نا بشخ اٹی اسہ وڑ شرح خراج نا اطلاق و سرکاری نجی شریداری ءِ مون آ دننگ نا بابت چندی سلاہ تیا سرجم سجفنگا ۔ صوبائی و بنجائی کہول انا خراج آتون اوار چندی ویل آتا ایسری نا بابت قابل عمل سلاہ مرتب کننگ کن وزیراعظم چیئرمین نیا پاکستان ہاءوسنگ اتھارٹی لیفٹیننٹ جنرل (ر) انور علی حیدر نا کماشی ٹی چیئرمین ایف بی آر، گورنر اسٹیٹ بینک، وزیر خزانہ پنجاب ، صوبائی چیف سیکرٹریز و ایلو تعلقدار آتیا تالان کمیٹی اس جوڑ کرے ۔ وزیراعظم پارے کہ کمیٹی بروک آ 24گھنٹہ ٹی خراج، بینک آتا کنڈآن وام تا فراوانی و ایلو مشکل آتا ایسری نا بابت لاءحہ عمل و سفارشات پیش کے ۔
