سرور کائنات رحمت اللعالمین حضرت محمدﷺ ءِ بوتن روچ ءِ سرا پاکستان ءِ ھوار سرج میں دگنیا ءِ مسلماناں را مراد باتی پیش کنگ اوں ،ڈاکٹر فردوس عاشق اعوان

اسلام آباد ۔ 10نومبر(اے پی پی) مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ گوشت کہ سرورکائنات رحمت العالمین حضرت محمدﷺ ولادت با سعادت پاکستان ءِ ھوار سرج میں دگنیا ءِ مسلماناں را مبارک بیت ۔ چاگردی ویب ساءٹ ٹویٹر سرا یک شمبے ءَ عید میلادالنبیﷺ ءِ موہ ءِ سرا وتی کلوھ ءِ تہ ھاسیں کمکار ءَ گوشت کہ مروچی ساڑءُُ بھیسہ ءِ ھلاسی ءِ ھاترا نبی اکرمﷺ ءِ ذات اقدس روشن ترین مثال انت ۔ آپﷺ ءِ سیرت طیبہ ءَ زرت مہ دگنیا ءَ سرپد کت کنیں کہ اسلام ءِ دامن پراھ ءُُ دل مزن انت ۔ آہاں گیش گوشت کہ نبی رحمت ﷺ ءَ جہالت، ساڑءُُ بھیسہ، عصبیت ءُُ جیڈھ ءَ را ھلاس کتگ ۔ ڈاکٹر فردوس عاشق اعوان ءَ گوشت کہ ھداوند کریم ءُُ آٗی ءِ محبوب ﷺ ءِ اطاعت ءِ مطلب انسانیت ءَ گوں مہرءُُ محبت، ایشی ءِ فلاح ءُُ ھیرواہی انت ۔ آہاں گوشت کہ مزن وزیر عمران خان اے راھ ءُُ سوچ ءِ سرا عمل پیرا انت اے آہانی جدوجہد ءِ محورءُُ مکسد انت ۔