سرج میں ملک ءِ تہ عید میلادالنبیﷺ مذہبی جوش ءُُ جوزگ ءَ گوں گوازینگ بوھگ انت

اسلام آباد ۔ 10نومبر(اے پی پی)سرج میں ملک ءِ تہ عید میلادالنبیﷺ مذہبی جوش ءُُ جوزگ ءَ گوں گوازینگ بوھگ انت، عاشقان رسول ﷺ ءَ ملک ءِ سرکاری ءُ جندی ماڑیانی ،مسیت ءُُ گلی میتگ ءَ را سمبرینتگ، میلاد روانک ءِ برجمداری ءِ ھوار ھاسیں وڈ ءَ تیار کتگ کیک ھم کاٹ کتگ ات ۔ سرج میں ملک ءِ تہ مروچی (یک شمبے) ءَ عید میلاد النبیﷺ مذہبی عقیدت واحترام ءَ گوں گوازنینگ بوھگ انت ۔ بنجاہی بن شہر ءِ تہ روچ ءِ بنداتی 31ءُُ صوبائی بن شہرانی تہ 21ٹوپانی سلامی ءَ گوں بوتگ ۔ مسیتانی تہ فجر ءِ نماز ءِ پدا مسلمانانی ھاترا ءُُ ملک ءِ دیمروئی ءُُ وشھالی ءِ ھاترا ھاسیں دعا لوٹگ بوتگ ات ۔ نبی آخرالزمان ﷺ ءَ را خراج عقیدت پیش کنگ ءِ ھاترا ھاسیں کانفرنسز،مراگش ءُُ محفل برجم دارگ بوتگ ات ۔ عیدمیلاد النبیﷺ ءِ درگت ءَ بین الاقوامی رحمت الا العالمینﷺ کانفرنس مروچی اسلام آباد ءِ تہ بیت ایشی ءِ برجم داری وزارت مذہبی امور اور بین المذاہب ہم آہنگیءَ کتگ انت ۔ گوزوکیں کانفرنس ءِ موضوع ;3939; حضرت محمدﷺ ءِ تعلیمات ءِ روژنی ءَ ریاست ءِ مدینہ ءُُ نوکتریں اسلامی فلاحی ریاست ءِ تصور ایر کنگ بوتگ ۔ مزن وزیر عمران خان کانفرنسءِ بنداتی وھدیکہ ملک ءِ صدر عارف علوی گڈی بھرءِ سروکی کن ات ۔ درملکی نامداریں عالم ،مذہبی دانشورءُُ درملکی سفیر کانفرنس ءِ تہ بھرزورانت ۔