مزن وزیر عمران خان ءَ نیک راھ آنی وت مہ وت ھمگونگی ءِ جوزگ ءِ آدینک کرتار پور راہداری ءِ یک شل ءَ بنگیج کت

اسلام آباد ۔ 09 نومبر (اے پی پی) مزن وزیر عمران خان ءَ سکھ نیک راھ ءِ بنگیج کار بابا گرونانک دیوجی ءِ 550ودی بوھگ ءِ سالروچ ءِ درگت ءَ نیک راھ آنی وت مہ وت نزیک بوھگ ءِ جوزگ ءِ آدینک کرتار پور راہداری ءِ پُرمڈاھیں منصوبگ ءِ شمبے ءِ روچ ءَ بنگیج کنگ بوت ۔ پیسریگیں بھارتی مزن وزیر منموہن سنگھ، بھارتی پنجاپ ءِ سر وزیر کیپٹن (ر) امریندر سنگھ ءُُ پیسریگیں کرکٹر نوجوت سنگھ سدھو ءَ ھوار بھارت ءَ چہ سرج میں دگنیا ءَ چہ بابا گرونانک ءِ ودی بوھگ ءِ سالروچ ءِ درگت ءَ مراگش ءَ گوں بھر زوری ءِ واستہ کرتار پور ءَ آیوکیں سکھ زیارت کنوک آنی مزنیں کساس ءِ اے موہ ءِ سر ءَ ساڑی ات ۔ ایشاں گوں پچیں دل ءَ مزن وزیر عمران خان ءُُ آئی ءِ حکومت ءِ شگر ءُُ منت گپت ءُُ دعا ءِ نیک کت ۔ اے ودی بوھگ ءِ سالروچ ءَ 10ہزار ءَ چہ گیش سکھ زیارت کنوک شریک اتنت ۔