وزیر درئی کار شاہ محمود قریشی ءِ کرتار پور راہداری ءِ بنگیجی مراگش ءَ گوں گشتانک

اسلام آباد ۔ 09 نومبر (اے پی پی) وزیر ءِ درئی کار شاہ محمود قریشی ءَ گوشت کہ مرچگیں روچ نمیرانیں روچ ات، مرچی یک دوستی یے راہداری ءِ بنگیج ءِ بوتگ، مرچی سرج میں دگنیا ءَ دوستی ءُُ واھگ ءُُ نیک راھی شرپ ءِ ریشگ ءِ پکوئیں رنگ ءَ چارگ ءَ انت ۔ سرج میں دگنیا ءَ نندوکیں سکھ برات مرچیگیں راجدپتریں یات آں چہ گل ءُُ شات انت ۔ مرچی نوکیں رمس ءِ نبشتہ کنگ بوھگ ءَ انت ۔ ایشی ءِ بامردم مزن وزیر عمران خان انت ۔ اے ھیالانی درشانی آئی ءَ سرج میں دگنیا ءِ درستاں چہ مستریں سکھ گوردوارے کرتار پور صاحب ءُُ راہداری ءِ بنگیجی مراگش ءَ گشتانک دیان ءَ کت ۔ وزیر ءِ درئی کار شاہ محمود قریشی ءَ پیسریگیں مزن وزیر منموہن سنگھ، بھارتی پنجاپ ءِ سر وزیر کیپٹن امریندر سنگھ، وزیر، پارلیمان ءِ باسک ، سفارتی ڈل، پاکستان ، بھارت ءُُ دگنیا ءَ چہ آیوکیں زیارت کنوک آناں وش اتک کت ۔ آئی ءَ گوشت کہ بابا گرونانک ءِ 550 ءِ ودی بوھگ ءِ روچ ءِ مراگش ءِ درگت ءَ حکومت ءِ پاکستان ءُُ مزن وزیر پاکستان عمران خان ءِ نیمگ ءَ سکھ زیارت کنوک آناں وش اتک گوشاں ۔ سینیٹر فیصل جاوید ءَ کرتار پور راہداری مراگش ءَ میزبانی ءِ پرز ءَ را پیلو کت وھدیکہ مراگش ءَ بنجاھی وزیر توکی کار اعجاز احمد شاہ، نیک راھی کار نورالحق قادری، صوبائی وزیر ، گورنر پنجاپ چوہدری محمد سرور، سر وزیر پنجاپ سردار عثمان بزدار، پارلیمانی باسک، مزن وزیر ءِ ھاسیں کمکار ڈاکٹر فردوس عاشق اعوان ءُُ عثمان ڈار، سفارتکاریں برات، پسیریگیں بھارتی مزن وزیر منموہن سنگھ، بھارتی پنجاپ ءِ سر وزیر کیپٹن امریندر سنگھ، بھارتی پارلیمانی باسک ءُُ سرج میں دگنیا ءَ چہ آیوکیں سکھ زیارتی آنی مزنیں کساس ءَ بھر زوری کت ۔