وزیر ءِ درئی کار شاہ محمود قریشی ءِ لاہور ءَ کرتار پور ءِ ھوالگ ءَ میڈیا ءَ گوں تران

اسلام آباد ۔ 8 نومبر (اے پی پی) وزیر ءِ درئی کار شاہ محمود قریشی ءَ گوشت کہ ما سکھ نیک راھ ءَ را منوک آناں کرتار پور راہداری ءِ وسیلگ ءَ شاتکا میں کلوہ ءَ دیگ ءَ آں ، ایش تلپچیں درور ات کہ پاکستان ءَ براتی ءُُ یکوئی است ءُُ نیک راھ آزات اَنت ۔ آدینگ ءِ روچ ءَ سنگاپور ءَ چہ واتری ءَ چہ پد لاہور ءَ کرتار پور ءِ ھوالگ ءَ میڈیا ءَ گوں تران کنان ءَ گوشت کہ سنگاپور ءَ کرتاپور ءِ ھوالگ ءَ اکسی نماش ءِ بست ءُُ بند کنگ بوتگ ۔ اے نماش ءَ پاکستان ءِ توک ءَ سکھ نیک راھ ءِ ھمینکیاس گوردوارے است انت ایشاناں اکسی نماش ءِ تہ ءَ ھوار کنگ بوتگ ۔ مناں اے اکسی نماش ءِ بنگیج کنگ ءِ ھوالگ ءَ گوشگ بوتگ ءُُ وھد ءِ من بنگیج ءِ واستہ پُج اتاں گڈا سکھ برات آنی گوما ، مزنیں کساس ءَ گند ءُُ نند بوت آ مردم آنی توک ءَ یک گل ءُُ شاتی واھگ است ات آ سہرا بوت نہ کنت کہ آ چینکیاس شات اتنت ۔ آ پاکستان ءِ سک باز شگر ءُُ منت وار اتنت ۔ آئی ءَ گوشت کہ مرچی یک نیمگ ءِ ہندوستان مقبوضہ جموں کشمیر ءَ ظلم ءِ کوھ آں پروشگ ءَ انت کشمیر ی آناں نماز ءِ آدینگ ءِ وانگ ءَ تاں اجازت نہ دیگ ءَ انت، ایشاں دگنیا گندگ ءَ انت ۔ وھدیکہ دومی نیمگ ءَ ما سکھ نیک راھ ءِ منوکیں مردم آناں کرتار پور راہداری ءِ وسیلگ ءَ شاتکامی کلوہ دیگ ءَ آں ۔ وزیر ءِ درئی کار ءَ گیش تران کنان ءَ گوشت کہ 9نومبر ءَ مزن وزیر عمران خان کرتار پور راہداری ءِ بنگیج ءَ کنان ءَ سکھ برات آں گوں کتگیں سوگند آنی سرجمی ءَ کنت انت ۔ آٗی ءَ گوشت کہ ما گمان ھم کت نہ کناں کہ نو دھ ماھ ءِ لُکوکیں وھد ءُُ پاس ءَ گوردوارہ کرتار پور سرجم بوت ءُُ ہندوستان پینگ جنگ ءَ ابید اے منوگری ءِ سر ءَ دست چنگل جنگ ءَ منوک بوت ۔ اے راہدری ءِ بنگیجی مراگش ءَ بھارت ءَ چہ پیسریگیں مزن وزیر منموہن سنگھ ءَ را ھم دلگوش کنگ بوتگ ءُُ آئی ءِ نبشتانکی پسو من ءَ ھم سر بوھگ ءُُ رستگ ایشی ءِ تہ ءَ آئی ءَ گوشت کہ آ الم کئیت بلے لس مردم ءِ بستار ءَ کئیت، آ ھرکجام بستار ءَ کئیت ما آرا وش اتک کناں ۔